બીજી વનડેની જીત પછી વિરાટ કોહલીએ જણાવ્યો વર્લ્ડ કપ જીતવાનો માસ્ટર પ્લાન

ટીમ ઇન્ડિયાએ ન્યૂઝીલેન્ડની સામે બીજી વનડે પણ શાનદાર પ્રદર્શન કરીને 90 રનના અંતરથી જીત હાંસલ કરી. મેચ પછી ટીમ ઇન્ડિયાના કેપ્ટન વિરાટ કોહલીએ તમામ ખિલાડીઓના વખાણ કર્યા અને પછી આ જ વર્ષમાં થનારા વર્લ્ડ કપની પહેલા કેટલાક ખામીઓ દૂર કરવા પર ધ્યાન  આપવું પડશે તે અંગેની ચર્ચા કરી. કોહલીએ માન્યુ કે ટીમ ઇન્ડિયાએ ઉમ્મીદથી ઓછા રન કર્યા પરંતુ તેમ છતાં બોલર્સના કારણે મેચ જીતી. તેના પર કોહલીએ ખુશી વ્યકત કરી. 

જીત પછી કેપ્ટન કોહલીએ કહ્યુ કે ''ટીમ ઇન્ડિયાએ આવનારા દિવસોમાં વધારે રન કરવાનો પ્રયત્ન કરવો જોઇએ જેના કરાણે બોલર્સ મુક્તપણે બોલિંગ કરી શકે.'' વર્લ્ડ કપ 2019નો ઉલ્લેખ કરતા કેપ્ટને કહ્યુ કે ''વર્લ્ડ કપ પહેલા અમારે કેટલીક વાતો પર ધ્યાન આપવું જોઇએ. અમારે આવનારી મેચોમાં 15-20 વધારે કરવાના પ્રયત્ન કરવો જોઇએ પરંતુ સાથે સાથે એક બેલેન્સ ટોટલ બનાવવા પર ધ્યાન આપવું જોઇએ.''

કેપ્ટન કોહલીએ કહ્યુ કે  ''અમારું પ્રદર્શન ઠીક હતુ. ન્યૂઝીલેન્ડની બેટિંગ જોતા 325 રનનો સ્કોર વધારે ના કહેવાય તેમ છતાં અમારું પ્રદર્શન ઠીક-ઠાક રહ્યુ. બીજી ડ્રિંક બ્રેક પછી મેં કેટલાક રિસ્ક લેવાનો પ્રયત્ન કર્યો. મારો પ્લાન હતો કે 34-40 ઓવરની વચ્ચે સારો સ્કોર કરવો જોઇએ જેથી અમે 340-350 રન કરી શકીએ પછી મારા આઉટ થયા પછી નવા બેટ્સમેનને આવવુ પડ્યુ અને તેને પણ સેટ થવા સમય જોઇએ.''

ટીમ ઇન્ડિયાની બૉલિંગ જોઇને વિરાટે કહ્યુ કે ''જો 15-20 રન વધારે કરવામાં આવે તો તો અમારા બોલર્સ એવી બોલિંગ નહી કરે કે 40 રન સુધી કોઇ વિકેટ ના મળે પરંતુ એવી બોલિંગ કરવાનો પ્રયાસ કરશે કે 60 રન જાય પરંતુ 3 વિકેટ મળે. આવનારા સમયમાં અમારું માઇન્ડસેટ આ પ્રકારનું જ રહેશે.''

ઉલ્લેખનીય છે કે ટીમ ઇન્ડિયા અને ન્યૂઝીલેન્ડની વચ્ચેની 5 મેચની સીરિઝની શરૂઆતમાં ટીમ ઇન્ડિયાએ 2 મેચ જીતી લીધી છે અને 2-0થી આગળ છે. બીજી વનડેમાં કરેલા રનના મામલામાં ટીમ ઇન્ડિયાએ ન્યૂઝીલેન્ડમાં મેળવેલી સૌથી મોટી જીત છે.