ભારત-ન્યુઝીલેન્ડ વચ્ચેની ત્રીજી ટી20 મેચ કરો અથવા મરો જેવી હતી. ટીમ ઈન્ડિયાએ આ મેચમાં રેકોર્ડબ્રેક જીત પ્રાપ્ત કરી.
ન્યુઝીલેન્ડ સામે અંતિમ ટી20માં ભારતીય ટીમની જીત
ભારતની બે સૌથી મોટી જીત, કહાની એક જેવી
સૌથી મોટી જીતમાં અમુક સમાનતાઓ
ન્યુઝીલેન્ડને 168 રનના વિશાળ અંતરથી હરાવીને ભારતે ટી20 શ્રેણી પર પ્રભુત્વ જમાવ્યું
ભારતીય ટીમે બુધવારે અમદાવાદના નરેન્દ્ર મોદી સ્ટેડિયમમાં રમાયેલ ત્રીજી અને નિર્ણાયક ટી20 મેચમાં ન્યુઝીલેન્ડને 168 રનના વિશાળ અંતરથી હરાવીને ટી20 શ્રેણી પર પ્રભુત્વ જમાવ્યું છે. ટીમ ઈન્ડિયા માટે આ મેચમાં શુભમન ગિલે આક્રમક ઈનિંગ રમી. આ મેચમાં ગિલે પોતાની ટી20 કારકિર્દીની પહેલી સદી ફટકારી. આ મેચમાં ભારતે રેકોર્ડબ્રેક જીત મેળવી. આ ભારતની ટી20માં રનની દ્રષ્ટીએ સૌથી મોટી જીત છે. ભારતને મળેલા વિજયમાં અને વન-ડેમાં મળેલી સૌથી મોટી જીતમાં અમુક સમાનતાઓ છે.
ભારતને મળેલી જીતમાં અમુક સમાનતાઓ
ભારતે વન-ડેમાં પોતાની સૌથી મોટી જીત શ્રીલંકા સામે પ્રાપ્ત કરી હતી. ભારતે શ્રીલંકાને 317 રનના વિશાળ અંતરથી હરાવ્યું હતુ. શ્રીલંકા અને ન્યુઝીલેન્ડ સામે પ્રાપ્ત કરવામાં આવેલી જીતમાં કેટલીક સમાનતાઓ છે, જાણો એવી કઈ સમાનતાઓ છે.
ભારતને આ બંને જીત મહેમાન ટીમના પ્રવાસમાં છેલ્લી મેચમાં મળી છે. ભારતીય ટીમે શ્રીલંકાને જે 317 રનથી હરાવ્યું હતુ તે મહેમાન ટીમના ભારત પ્રવાસની છેલ્લી મેચ હતી. ન્યુઝીલેન્ડને પણ ટીમ ઈન્ડિયાએ ભારત પ્રવાસ વખતે અંતિમ મેચમાં મ્હાત આપી છે.
આ બંને જીત આઈસીસીના ફૂલ મેમ્બર સામે પ્રાપ્ત કરવામાં આવેલી સૌથી મોટી જીત છે. ભારત પહેલા કોઈ બીજી ટીમે આઈસીસીના ફૂલ મેમ્બર સામે આટલી મોટી જીત પ્રાપ્ત નહોતી કરી હતી.
આ બંને મેચમાં ગિલે સદી ફટકારી. ગિલે શ્રીલંકા સામેની વન-ડે મેચમાં 116 રનની ઈનિંગ રમી હતી. તો ન્યુઝીલેન્ડ સામે ભારતના જમોણી બેટરે અણનમ 126 રન બનાવ્યાં. આ દરમ્યાન તેમણે 63 બોલનો સામનો કર્યો અને 12 ચોગ્ગા સિવાય સાત છગ્ગા માર્યા.
ભારતે ગયા મહિને જાન્યુઆરીમાં શ્રીલંકાને વન-ડે મેચમાં 317 રનથી પરાજય આપ્યો છે અને ફેબ્રુઆરીમાં ટી20માં ભારતે ન્યુઝીલેન્ડને હરાવ્યું. આ બંને જીત જાન્યુઆરી-ફેબ્રુઆરી 2023માં મળી છે.