WC 2019 / 16 વર્ષ બાદ વિશ્વકપમાં આમને-સામને ભારત અને ન્યૂઝીલેન્ડ, ફાઇનલ માટે ટક્કર

જો ટીમ ઇન્ડિયાએ આજની સેમિફાઇનલ મેચ જીતવી હોય તો વિરાટ બ્રિગેડે ન્યૂઝીલેન્ડના ત્રણ ખેલાડીઓ સામે સાવચેત રહેવું  પડશે. આ ત્રણ ખેલાડીઓ છે લોકી ફર્ગ્યૂસન, ટેન્ટ બોલ્ટ અને જીમી નિશમ. આ ત્રણેય ખેલાડીઓએ પોતાના બોલિંગ પ્રદર્શનથી વિરોધી ટીમના બેટસમેનોને પરેશાન કર્યાં છે. 
 

ભારતના 'વિરાટ' બેટસમેનો જો આ બોલરનો મુકાબલો સાવચેતીથી કરી શક્યા તો વર્લ્ડકપની ફાઇનલની ટીકીટ પાકી સમજો. જ્યારે બીજી તરફ ન્યૂઝીલેન્ડના બેટસમેનોનું ફોર્મ હાલ ખરાબ જોવા મળી રહ્યું છે. 

ભારતીય ટીમનું વિશ્વકપમાં અત્યાર સુધી પ્રદર્શન ઘણું સારુ રહ્યું છે. વિશ્વકપમાં 'રન મશીન' રોહિત શર્માની આગેવાનીમાં ભારતીય ઓપનિંગ સારુ પ્રદર્શન કરી રહ્યું છે. આમ વિશ્વકપની પહેલી સેમિફાઇન ભારત અને ન્યૂઝીલેન્ડ વચ્ચે રોમાંચક રહેશે.