ભારત અને ન્યૂઝીલેન્ડ વચ્ચે બે મેચની ટેસ્ટ સીરિઝની પહેલી મેચ વેલિંગ્ટનના બેસિન રિઝર્વ ગ્રાઉન્ડ ખાતે રમાઈ રહી છે. પહેલાં દિવસના છેલ્લા સેશનની મેચ વરસાદને કારણે ધોવાઈ ગઈ છે. ટી બ્રેક સુધી ભારતે પાંચ વિકેટે 122 રન બનાવ્યા હતા. આ પહેલાં ન્યૂઝીલેન્ડના કેપ્ટન કેન વિલિયમ્સને ટોસ જીત્યા બાદ બોલિંગ કરવાનો નિર્ણય લીધો હતો. અજિંક્ય રહાણે 38 અને ઋષભ પંત 10 રન બનાવી ક્રીઝ પર છે.
ભારત અને ન્યૂઝીલેન્ડ વચ્ચે ટેસ્ટ સીરિઝની પહેલી મેચ
ન્યૂઝીલેન્ડે ટોસ જીતીને બોલિંગ લીધી
ભારતે પાંચ વિકેટે 122 રન બનાવ્યા
ન્યૂઝીલેન્ડના બોલરોએ શરૂઆતથી જ ભારતીય બેટ્સમેન પર દબાણ જાળવી રાખ્યું હતું. સાઉદી, બોલ્ટ અને જેમીસનની ત્રિપુટીએ ભારતીય બેટ્સમેનોને હાથ ખોલવા દીધા નહીં. જોકે, પૃથ્વી શોએ શરૂઆતમાં બે ચોગ્ગા માર્યા, પરંતુ તે વધુ સમય સુધી ક્રીઝ પર ટકી શક્યો નહીં.
Stumps on day one!
The third session of play has been washed out in Wellington. Having reduced India to 122/5, New Zealand will be pleased with their day's work.#NZvINDpic.twitter.com/m3XP88A2Hy
તે ઝડપી બોલર ટિમ સાઉદીના બોલ પર 16 રનના સ્કોરથી બોલ્ડ થયો હતો. શો બાદ બેટિંગ કરવા આવેલા ચેતેશ્વર પૂજારા પણ ન્યૂઝીલેન્ડની જબરદસ્ત બોલિંગનો જવાબ આપી શક્યો નહીં. તેણે બીજી વિકેટ માટે મયંક અગ્રવાલ સાથે 19 રનની ભાગીદારી કરી હતી અને તે 42 બોલમાં 11 રન બનાવીને જેમીસનનો શિકાર બન્યો હતો. પૂજારા બાદ કેપ્ટન કોહલી મેદાન પર ઉતર્યો હતો.
દર વખતની જેમ આ વખતે પણ કોહલીથી મોટી ઇનિંગની અપેક્ષા હતી, પરંતુ તેણે ચાહકોને નિરાશ કર્યા અને માત્ર 2 રન બાદ પેવેલિયન પરત ફર્યો. કોહલીના આઉટ થયા બાદ ટીમ ઇન્ડિયાનો સ્કોર 40 રનમાં ત્રણ વિકેટ પર ઘટી ગયો હતો. વિદેશી ધરતી પર શાનદાર બેટિંગ કરનાર અજિંક્ય રહાણેએ ત્યારબાદ ચોથી વિકેટ માટે મયંક અગ્રવાલ સાથે 48 રનની ભાગીદારી કરી હતી. મયંક અગ્રવાલ 34 રન બનાવીને પેવેલિયન પરત ફર્યો હતો. હનુમા વિહારી 7 રન બનાવીને આઉટ થયો હતો. કિવિઝ ટીમ તરફથી જેમીસને ત્રણ વિકેટ ઝડપી છે. બોલ્ટ અને સાઉદીને એક-એક સફળતા મળી છે.
ન્યૂઝીલેન્ડે ટોસ જીતીને બોલિંગનો નિર્ણય લીધો હતો અને ટીમ ઈન્ડિયાને પહેલા બેટિંગ માટે આમંત્રણ આપ્યું હતું. ભારતીય બેટ્સમેન શુભમન ગિલ અને ઝડપી બોલર નવદીપ સૈની આ મેચથી ડેબ્યૂ કરી શક્યા નહીં. આ સિવાય રિદ્ધિમાન સાહા અને રવિન્દ્ર જાડેજા પણ પ્લેઇંગ ઇલેવનમાં સામેલ થયા નથી. ઋષભ પંતને વિકેટકીપર રિદ્ધિમાન સાહાનું સ્થાન મળ્યું છે. જ્યારે ઝડપી બોલિંગની જવાબદારી ઇશાંત શર્મા, મોહમ્મદ શમી અને જસપ્રીત બુમરાહના ખભા પર રહેશે. સ્પિન બોલિંગ આર અશ્વિનની રહેશે. કાયલ જેમીસને ન્યૂઝીલેન્ડ માટે ડેબ્યુ કર્યું છે.
રોસ ટેલરની 100મી ટેસ્ટ
ન્યૂઝીલેન્ડ માટે બેટ્સમેન રોસ ટેલર તેની 100મી ટેસ્ટ રમી રહ્યો છે. ન્યૂઝીલેન્ડની રોસ ટેલરની આ 100મી ટેસ્ટ છે. તે ત્રણેય ફોર્મેટમાં (વન ડે, ટેસ્ટ અને ટી 20) 100-100 મેચ રમનાર પ્રથમ ખેલાડી બન્યો છે.