ન્યૂઝીલેન્ડ સામેની પ્રથમ ટેસ્ટમાં નિષ્ફળ ગયેલાં ટીમ ઈન્ડિયાના ઓપનર પૃથ્વી શોએ બીજી ટેસ્ટમાં વાપસી કરી છે. ક્રાઈસ્ટચર્ચમાં રમાઈ રહેલી બે મેચની ટેસ્ટ સીરિઝની બીજી અને છેલ્લી મેચમાં પૃથ્વી શોને આખરે બેટિંગ કરતાં અર્ધસદી મળી. પૃથ્વી શોએ 64 બોલમાં 54 રન બનાવ્યા. પૃથ્વીએ તેની ઇનિંગ્સમાં આઠ ચોગ્ગા અને એક છગ્ગો ફટકાર્યો હતો. આ પહેલા વેલિંગ્ટનમાં રમાયેલી પ્રથમ ટેસ્ટમાં પૃથ્વી શોએ પ્રથમ ઇનિંગ્સમાં 16 રન બનાવ્યા હતા, જ્યારે બીજી ઇનિંગમાં તે 14 રને આઉટ થયો હતો.
આ ઓપનર બેટ્સમેને ફટકારી અર્ધસદી
સચિન બાદ આવું કરનાર આ બીજો યુવા ખેલાડી બન્યો
ન્યૂઝીલેન્ડ સામેની પ્રથમ ટેસ્ટમાં નિષ્ફળ ગયો હતો
બીજી ટેસ્ટમાં પૃથ્વી શોની જગ્યાએ શુભમન ગિલને સામેલ કરવાની માંગ કરવામાં આવી હતી, પરંતુ પૃથ્વી શોને પ્લેઇંગ ઇલેવનમાં જાળવી રાખવામાં આવ્યો હતો, ત્યારબાદ તેણે અડધી સદી ફટકારી હતી. ક્રાઈસ્ટચર્ચ ટેસ્ટ મેચમાં પૃથ્વી શોએ અડધી સદી ફટકાર્યા બાદ મોટો રેકોર્ડ બનાવ્યો છે. પૃથ્વી શો ન્યૂઝીલેન્ડની ધરતી પર ટેસ્ટ મેચોમાં અડધી સદી ફટકારનાર ભારતનો બીજો સૌથી યુવા ખેલાડી બન્યો છે.
આ લિસ્ટમાં પૂર્વ મહાન બેટ્સમેન સચિન તેંડુલકર પૃથ્વી શો કરતા આગળ છે. સચિન તેંડુલકરે 1990માં નેપીયર ટેસ્ટમાં 16 વર્ષ 291 દિવસની ઉંમરે ટેસ્ટ અડધી સદી ફટકારી હતી. પૃથ્વી શો વિશે વાત કરીએ તો તેણે 20 વર્ષ 112 દિવસની ઉંમરે આ પરાક્રમ કર્યું છે. ત્રીજા નંબરે અતુલ વાસન છે, જેણે 1990માં 21 વર્ષ 336 દિવસની ઉંમરે ઓકલેન્ડ ટેસ્ટમાં ફિફ્ટી લગાવી હતી.
ન્યૂઝીલેન્ડની ધરતી પર ટેસ્ટમાં અડધી સદી ફટકારનાર સૌથી યુવા ભારતીય