WC 2019 / IND vs NZ: સેમી ફાઈનલમાં કિવી સામે ભારતનો પરાજય, ટૉપ બૅટ્સમેનોનો ફ્લોપ શો

શરૂઆતમાં લાગેલા ઝટકાની અસર એ રહી કે ભારતીય ટીમ આખી મેચમાં ઝુઝતી રહી હતી. રવીન્દ્ર જાડેજા અને મહેન્દ્ર સિંહ ધોની પોતાની 100 રનની પાર્ટનરશિપથી આશા જગાવી હતી. જોકે, આ બંનેના આઉટ થતાની સાથે જ ટીમ ઇન્ડિયા વિખરાઇ ગઇ હતી. 

છેલ્લી ઓવરમાં ભારતને જીત માટે સંઘર્ષ કર્યો હતો. રવિન્દ્ર જાડેજા અને ધોનીએ ભારતને જીતાડવા માટે સારી પાર્ટનરશીપ કરી હતી. પરંતુ અંતિમ ઓવરોમાં બંને આઉટ થઈ જતાં ભારતની ફાઈનલમાં પ્રવેશની આશા પર પાણી ફરી વળ્યું હતું. 

ટીમ ઇન્ડિયાની બેટિંગ 

ન્યૂઝીલેન્ડના 240નો ટારગેટનો પૂર્ણ કરવા ઉતરેલી ટીમ ઇન્ડિયાની શરૂઆત ખરાબ રહી હતી.  ભારતને પહેલી જ ઓવરમાં રોહિત શર્માના સ્વરૂપે મોટો ઝટકો મળ્યો હતો. રોહિત શર્મા (1) રન બનાવી આઉટ થયો. બાદમાં ટીમ ઇન્ડિયાને એક પછી એક ત્રણ ઝટકા મળ્યા. કેપ્ટન કોહલી (1), અને કેએલ રાહુલ (1) રન બનાવી આઉટ થયા. દિનેશ કાર્તિક પણ સસ્તામાં (6) રન બનાવી આઉટ  થયો હતો. બાદમાં  દિનેશ કાર્તિક (25), ઋષભ પંત (32), હાર્દિક પંડ્યા (32), એમ એસ ધોની (50), રવિન્દ્ર જાડેજા (77), ભૂવનેશ્વર કુમાર (0), યુજવેન્દ્ર ચહલ (5), જસપ્રિત બુમરાહ (0) રન બનાવ્યા હતા. ટીમ ઇન્ડિયા તરફથી ધોની અને જાડેજાએ 97 બોલમાં 100 રનની પાર્ટનરશિપ નોંધાવી હતી. 

વરસાદના વિઘ્ન બાદ શરૂ થયેલી સેમીફાઇનલમાં ટોસ જીતી પ્રથમ બેટિંગ કરવા ઉતરેલી ન્યૂઝીલેન્ડની ટીમે 8 વિકેટના નુકશાને 239 રન બનાવ્યા હતા. ન્યૂઝીલેન્ડે ટીમ ઇન્ડિયાને ફાઇનલમાં પહોંચવા માટે 240નો લક્ષ્યાંક આપ્યો હતો.

બુમરાહએ ફેંક્યા સૌથી વધારે મેડન 

ટીમ ઇન્ડિયાના સ્પીડ સ્ટાર જસપ્રીત બુમરાહે સેમીફાઇનલ મેચમાં અદભૂત ઓવર નાંખી હતી. બુમરાહ આ વર્લ્ડ કપમાં સૌથી વધારે મેડન ઓવર ફેંકનાર બોલર બની ગયો છે. બુમરાહે વર્લ્ડ કપ 2019માં 9 મેડન ઓવર ફેંકી ચૂક્યા છે. આ પહેલા આ વર્લ્ડ કપમાં ઇંગ્લેન્ડના જોફ્રા આર્ચરે 8 ઓવર મેડન ફેંકી હતી. ઓસ્ટ્રેલિયાના પેટ કમિંસ અને ઇંગ્લેન્ડના ક્રિસ વોક્સે 6-6 મેડન ઓવર નાંખ્યા હતા. જ્યારે દક્ષિણ આફ્રીકાના ક્રિસ મોરિસ અને ઓસ્ટ્રેલિયાના મિશેલ સ્ટાર્કે અત્યાર સુધીમાં 5-5 ઓવર મેડન નાંખ્યા હતા.

ન્યૂઝીલેન્ડનો બેટિંગ લાઇન

આઇસીસી વર્લ્ડ કપ 2019ની સેમીફાઇનલમાં ન્યૂઝીલેન્ડે પ્રથમ બેટિંગ કરતા 50 ઓવરના અંતે 8 વિકેટના નુકશાને 240 રન બનાવ્યા. ભારતીય બોલરોએ પહેલી બે ઓવર મેડન નાંખી હતી. ભારતને પહેલી સફળતા માર્ટિન ગુપ્ટિલ રુપે મળી. ન્યૂઝીલેન્ડ તરફથી ઓપનર માર્ટિન ગુપ્ટિલ (1), હેનરી નિકોલ્સ (28), કેન વિલિયમસન (67), નીશામ (12), ગ્રેડહોમ (16), લાથમ (10), સાન્ટેનર (9), હેનરી (1), બોલ્ટ (3) રન બનાવ્યા હતા. 

પ્લેઇંગ ઇલેવન

ન્યૂઝીલેન્ડ: માર્ટિન ગુપ્ટિલ, હેનરી નિકોલ્સ, કેન વિલિયમસન (કેપ્ટન), રોસ ટેલર, ટોમ લાથમ (વિકેટકીપર), જેમ્સ નીશામ, કોલિન ડી ગ્રેડહોમ, મિશેલ સેન્ટનર, લોકી ફર્ગ્યૂસન, મેટ હેનરી, ટ્રેન્ટ બોલ્ટ

ભારત: લોકેશ રાહુલ, રોહિત શર્મા, વિરાટ કોહલી (કેપ્ટન), ઋષભ પંત, એમએસ ધોની (વિકેટકીપર), દિનેશ કાર્તિક, હાર્દિક પંડ્યા, રવીન્દ્ર જાડેજા, ભૂવનેશ્વર કુમાર, યુજવેન્દ્ર ચહલ, જસપ્રીત બુમરાહ