હેમિલ્ટન T-20માં ટીમ ઇન્ડિયાની હાર NZએ 2-1થી જીતી સીરિઝ

ન્યૂઝીલેન્ડના હેમિલ્ટનના સેડોન પાર્કમાં રમાઇ રહેલી અંતિમ અને નિર્ણાયક T-20 મેચમાં ટીમ ઇન્ડિયાએ ટોસ જીતીને ન્યૂઝીલેન્ડને ટીમને પહેલા બેટિંગ કરવા માટે આમંત્રણ આપ્યુ. પહેલા બેટિંગ કરવા માટે આવેલી ન્યૂઝીલેન્ડની ટીમે 20 ઓવરમાં 4 વિકેટ ગુમાવીને 212 રન કર્યા. ટીમ ઇન્ડિયાએ સીરિઝ જીતવા માટે 20 ઑવરમાં 213 રનનો ટાર્ગેટ મળ્યો હતો જોકે ટીમ ઇન્ડિયા 20 ઑવરમાં 6 વિકેટ પર 208 રન જ કરી શકી હતી. ટીમ ઇન્ડિયા ન્યૂઝીલેન્ડને 5 મેચની વનડે સીરિઝમાં 4-1થી માત આપી પરંતુ T-20 સીરિઝ પોતાના નામે કરવામાં અસફળ રહી. 

 

Congratulations to New Zealand on winning the series 2-1 #NZvIND pic.twitter.com/x829ObFkBN

— BCCI (@BCCI) 10 February 2019

ટીમ ઇન્ડિયાને પહેલો ઝટકો પહેલી ઑવરમાં જ લાગ્યો. મિશન સેન્ટનરની ઑવરની પાંચમી બૉલ પર શિખર ધવન (5) ને ડેરિલે કેચ કરીને પેવિલિયન મોકલી દીધા. પછી રોહિત શર્માએ વિજય શંકરની સાથે ઇનિંગને આગળ વધારી અને બીજી વિકેટ માટે 75 રનની પાર્ટનરશિપ કરી. શંકરને 43ના સ્કોર પર સેન્ટનરે શિકાર બનાવ્યો વિજય શંકરે 28 બૉલમાં પોતાની ઇનિંગમાં 5 બાઉન્ડ્રી અને 2 સિક્સર્સ ફટકારી. રોહિત અને ઋષભ પતં (28)એ ત્રીજી વિકેટ માટે 40 રન કર્યા. પંતને બ્લેયર ટિકનરે વિલિયમસનના હાથે કેચ રાવીને પોતાનો પહેલી ઇન્ટરનેશનલ વિકેટ લીધા. પંતે 12 બૉલમાં 1 બાઉન્ડ્રી અને 3 સિક્સર ફટાકરી. રોહિત ટીમના 141ના સ્કોર પર ડેરિલ મિશેલનો શિકાર બન્યો તેણે 32 બૉલ પર 3 બાઉન્ડ્રી લગાવી. હાર્દિક પંડ્યાએ 11 બૉલ પર 1 બાઉન્ડ્રી અને 2 સિક્સર્સ ફટકારીને 21 રન કર્યા. મહેન્દ્ર સિંહ ધોની (2) કંઇ ખાસ ના કરી શક્યો અને ટીમને છઠ્ઠી વિકેટના રૂપે 145ના સ્કોર પર પેવેલિયન પરત ફરી ગયો. દિનેશ કાર્તિક (33*)ના 16 બૉલરમાં 4 બાઉન્ડ્રી ફટકારી તેમ છતાં ટીમ જીતી ના શકી. ક્રૂલાણ પંડ્યા 13 બૉલમાં 2 બાઉન્ડ્રી અને 2 સિક્સર્સની મદદથી 26 રન કરીને નૉટઆઉટ રહ્યો. 

ન્યૂઝીલેન્ડની ટીમ શાનદાર શરૂઆત કરી હતી. બંને ઑપર્નર્સે પહેલી વિકેટ માટે 80 રનની પાર્ટનરશિપ કરી હતી. કોલિન મુનરોએ 40 બૉલમાં 5 સિક્સર્સ અને 5 બાઉન્ડ્રી સાથે 72 રન કર્યા. જે ન્યૂઝીલેન્ડની ટીમના કોઇ પણ ખિલાડીના સૌથી વધારે રન હતા. ઉપરાંત વિકેટકિપર બેટ્સમેન ટીમ સૈફર્ટે પણ 25 બોલમાં 43 રન બનાવ્યા હતા. કેપ્ટન કિન વિલિમ્સને 27 તથા કોલિગ ડિ ગ્રાન્ડહોમીએ 30 રનનું યોગાદન આપ્યુ હતુ. ડેરેલ મિચેલ અને રોસ ટેલરે અંતિમ ઓવરમાં 19 અને 14 રનનું યોગદાન આપીને ટીમનો સ્કોર 212 સુધી પહોંચાડ્યો હતો. 

ભારતીય બૉલર્સની વાત કરવામાં આવે તો ચાઇનામેન તરીકે જાણીતા કુલદીપ યાદવ એકમાત્ર સફળ બૉલર રહ્યો હતો. તેણે 4 ઑવરમાં 26 રન આપીને 2 વિકેટ ઝડપી જ્યારે ભુવનેશ્વર કુમરા 4 ઑવરમાં 37 રન આપીને 1 વિકેટ મેળવી હતી. તો ખલીલ અબ્રાહિમે 4 ઑવરમાં 47 રન આપીને 1 વિકેટ ઝડપી હતી. પંડ્યા બધર્સ વધારે મોંઘા સાબિત થયા. ક્રૃણાલ અને હાર્દિક 4 ઓવરમાં ક્રમશ: 54 અને 44 રન આપ્યા હતા.