IPLIN
 

IND vs NZ / બીજા દિવસના અંતે ન્યૂઝીલેન્ડનો સ્કોર 216/5 થયો, ભારત 51 રનથી પાછળ

Team VTV 03:19 PM, 22 Feb 20 | Updated: 03:23 PM, 22 Feb 20
Follow us
India vs New Zealand Highlights 1st Test Day 2

ભારત અને ન્યૂઝીલેન્ડ વચ્ચે બે મેચની ટેસ્ટ સીરિઝની પહેલી મેચ વેલિંગ્ટનના બેસિન રિઝર્વ ગ્રાઉન્ડ ખાતે રમાઇ રહી છે. ટોસ હાર્યા બાદ ટીમ ઈન્ડિયા પહેલા બેટિંગ કરવા ઉતરી હતી અને પહેલી ઇનિંગમાં 165 રનમાં ઓલઆઉટ થઈ હતી. તેના જવાબમાં ન્યૂઝીલેન્ડે પ્રથમ ઇનિંગ્સમાં 5 વિકેટ ગુમાવ્યા બાદ 216 રન બનાવ્યા છે. બીજા દિવસની મેચના અંત સુધી કોલિન ડી ગ્રેન્ડહોમ (4 રન) અને બીજે વોટલિંગ (14 રન) ક્રીઝ પર હતા. પ્રથમ ઇનિંગના આધારે, કિવિઝે ટીમ ઈન્ડિયા સામે અત્યાર સુધીમાં 51 રનની લીડ લીધી છે.

  • ભારત અને ન્યૂઝીલેન્ડ વચ્ચે ટેસ્ટ સીરિઝની પહેલી મેચ
  • બીજા દિવસે ભારતે 43 રનમાં પાંચ વિકેટ ગુમાવી
  • ટિમ સાઉદી અને કાઈલી જેમિસને 4-4 વિકેટ લીધી

ભારતીય ઇનિંગ્સના પતન પછી ન્યૂઝીલેન્ડે તેની ઇનિંગની શરૂઆત કરી હતી, પરંતુ ઝડપી બોલર ઇશાંત શર્માએ જલ્દીથી ભારતને પ્રથમ સફળતા અપાવી હતી. તેણે લંચ બાદ ટોમ લેથમ (11)ને પંતના હાથે કેચ આઉટ કરાવી ન્યૂઝીલેન્ડને પ્રથમ ઝટકો આપ્યો હતો. 

ઈશાંત શર્માએ ટોમ બ્લંડેલને બોલ્ડ કરી ન્યૂઝીલેન્ડની બીજી વિકેટ પાડી દીધી. ટોમ બ્લંડેલ 30 રને આઉટ થયો હતો. તેની વિકેટ 73ના કુલ સ્કોર પર પડી. રોસ ટેલર 44 રને આઉટ થયો હતો. રોસ ટેલર ઇશાંત શર્માની બોલિંગમાં પુજારાના હાથે કેચ આઉટ થયો હતો.

ટેલરે વિલિયમસન સાથે મળીને ત્રીજી વિકેટ માટે 93 રનની ભાગીદારી નોંધાવી હતી. ન્યૂઝીલેન્ડના કેપ્ટન કેન વિલિયમસન એક સદી ચૂકી ગયો હતો અને તે 89 રન બનાવીને આઉટ થયો હતો. વિલિયમસનને મોહમ્મદ શમીએ સબસ્ટિટ્યૂટ ફીલ્ડર રવિન્દ્ર જાડેજાના હાથે કેચ આઉટ કરાવ્યો હતો. રવિચંદ્રન અશ્વિને કોહલીના હાથે કેચ આઉટ કરાવી હેનરી નિકોલ્સને 17 રને આઉટ કર્યો. 

ભારત પ્રથમ ઈનિંમાં 165 રનમાં ઓલઆઉટ

ન્યૂઝીલેન્ડે પ્રથમ દાવમાં ટીમ ઈન્ડિયાને ફક્ત 165 રન પર ઓલઆઉટ કરી દીધી. ભારત તરફથી ઉપકેપ્ટન અજિંક્ય રહાણેએ સૌથી વધુ રન બનાવ્યા. રહાણેએ 46 રનની ઇનિંગ્સ રમી હતી. મયંક અગ્રવાલ બીજા ક્રમે હતા. આ ઓપનર 34 રનની ઇનિંગ રમ્યો હતો. મોહમ્મદ શમીએ 21 રન બનાવ્યા હતા. 19 રન બનાવનાર ઋષભ પંત રન આઉટ થયો હતો. કિવિઝ ટીમ તરફથી ડેબ્યૂ કરનાર કાયલ જેમીસન અને અનુભવી ઝડપી બોલર ટિમ સાઉથીએ 4-4 વિકેટ લીધી હતી. ટ્રેન્ટ બોલ્ટે એક વિકેટ લીધી હતી.

ન્યૂઝીલેન્ડના બોલરોએ શરૂઆતથી જ ભારતીય બેટ્સમેન પર દબાણ જાળવી રાખ્યું હતું. સાઉદી, બોલ્ટ અને જેમીસનની ત્રિપુટીએ ભારતીય બેટ્સમેનને હાથ ખોલવાની તક આપી નહોતી. જોકે, પૃથ્વી શોએ શરૂઆતમાં બે ચોગ્ગા લગાવ્યા હતા, પરંતુ તે વધુ સમય સુધી ક્રીઝ પર ટકી શક્યો નહીં. તે ઝડપી બોલર ટિમ સાઉદીના બોલ પર 16 રનના વ્યક્તિગત સ્કોર પર બોલ્ડ થયો હતો.

ભારતની આ રીતે પડી વિકેટ 

દર વખતની જેમ આ વખતે પણ કોહલીથી મોટી ઇનિંગની અપેક્ષા હતી, પરંતુ તેણે ચાહકોને નિરાશ કર્યા અને માત્ર 2 રન બાદ પેવેલિયન પરત ફર્યો. કોહલીના આઉટ થયા બાદ ટીમ ઇન્ડિયાનો સ્કોર 40 રનમાં ત્રણ વિકેટ પર ઘટી ગયો હતો. વિદેશી ધરતી પર શાનદાર બેટિંગ કરનાર અજિંક્ય રહાણેએ ત્યારબાદ ચોથી વિકેટ માટે મયંક અગ્રવાલ સાથે 48 રનની ભાગીદારી કરી હતી. મયંક અગ્રવાલ 34 રન બનાવીને પેવેલિયન પરત ફર્યો હતો. હનુમા વિહારી  7 રન બનાવીને આઉટ થયો હતો. કિવિઝ ટીમ તરફથી જેમીસને ત્રણ વિકેટ ઝડપી છે. બોલ્ટ અને સાઉદીને એક-એક સફળતા મળી છે.

Day 2 Cricket Virat Kohli BCCI Team India 1st Test ind vs nz
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ