IND vs NZ / ભારતે ચોથી મેચમાં ન્યૂઝીલેન્ડ સામે ફરી વખત સુપર ઓવરમાં મેળવી જીત, જાણો કોણ રહ્યાં હીરો

• ભારતનો ટી-20 મેચમાં વિજય
• ભારત-ન્યૂઝીલેન્ડ વચ્ચે ફરી મેચ ટાઈ થઇ હતી
• ન્યૂઝીલેન્ડે સુપર ઓવરમાં 13 રન બનાવ્યા

સુપર ઓવરમાં કીવિયો માટે ટિમ સિફર્ટ અને કૉલિન મુનરો મેદાન પર ઉતર્યા હતા. એક વિકેટ ગુમાવીને ન્યૂઝીલેન્ડે સુપર ઓવરમાં 13 રન બનાવ્યા હતા. ભારતને જીત માટે 14 રનનો લક્ષ્યાંક આપ્યો હતો, પરંતુ કેએલ રાહુલની શરૂઆતી તોફાની બેટિંગ અને પછી કોહલીના પરાક્રમથી ટીમ ઇન્ડિયાએ 5 બોલમાં જ 16 રન બનાવી લીધા.

આ પહેલા શાર્દુલ ઠાકુરના પણ વખાણ કરવા પડશે, જ્યારે ન્યૂઝીલેન્ડને જીત માટે છ બોલ પર 7 રન બનાવ્યા હતા, પરંતુ તેમણે ગઝબ બોલિંગ કરતા માત્ર છ રન જ બનાવ્યા.

ભારતે 166 રનનો લક્ષ્યાંક આપ્યો હતો

ટોસ હારીને પ્રથમ બેટિંગ કરવા ઉતરેલી ટીમ ઇન્ડિયાએ 20 ઓવરમાં 8 વિકેટ ગુમાવી 165 રન બનાવ્યા હતા અને ન્યુઝીલેન્ડને જીતવા માટે 166 રનનો લક્ષ્યાંક આપ્યો હતો. જેના જવાબમાં ન્યુઝીલેન્ડે પણ 20 ઓવરમાં 7 વિકેટ ગુમાવીને 165 રન બનાવ્યા હતા. ન્યૂઝીલેન્ડ તરફથી કોલિન મુનરોએ સૌથી વધુ 64 રન બનાવ્યા.

ન્યૂઝીલેન્ડે સુપર ઓવરમાં 13 રન બનાવ્યા હતા

• પ્રથમ બોલ - બુમરાહે ટિમ સેફેર્ટ માટે બોલ ફેંક્યો, 2 રન બન્યા
• બીજો બોલ - ટિમ સેફેર્ટે ચાર રન ફટકાર્યા
• ત્રીજો બોલ - બુમરાહના બોલ પર ટિમ સેફેર્ટ 2 રન બનાવ્યા
• ચોથો બોલ - ટિમ સેફેર્ટને બુમરાહે આઉટ કર્યો
• પાંચમો બોલ- બુમરાહે કોલિન મુનરોને બોલ ફેંક્યો, 4 રન બનાવ્યા
• છઠ્ઠો બોલ - બુમરાહે કોલિન મુનરોને બોલ ફેંક્યો, 0 રન

કેએલ રાહુલ અને વિરાટ કોહલીએ સુપર ઓવરમાં અપાવી જીત

• પ્રથમ બોલ - ભારત તરફથી મેદાન પર કેએલ રાહુલ અને વિરાટ કોહલી મેદાન પર. ગુડ લેન્થના બોલ પર રાહુલે સિક્સર ફટકારી.
• બીજો બોલ - બીજા બોલ પર કેએલ રાહુલે ચોગ્ગો ફટકાર્યો
• ત્રીજો બોલ - શૉર્ટ મારવાના ચક્કરમાં રાહુલ આઉટ
• ચોથો બોલ - વિરાટ કોહલીએ 2 રન બનાવ્યા
• પાંચમા બોલ - વિરાટ કોહલીએ શાનદાર ચોગ્ગો લગાવ્યો. જેને લઇને ભારતને સતત બીજી સુપર ઓવરમાં જીત મળી છે. ત્યારે ભારત સીરીઝમાં 4-0થી આગળ રહ્યું છે.