ભારતે હેમિલ્ટન ટી-20 મેચને સુપરઓવરમાં જીત અપાવી છે. આની સાથે જ ભારતે પાંચ મેચોની 3-0થી ટી-20 સીરીઝ જીતી છે. ભારતે આ મેચ જીતીને ન્યૂઝીલેન્ડની ધરતી પર ઇતિહાસ રચ્યો છે. આ મેચની જીત સાથે જ ભારતે પ્રથમ વખત ન્યૂઝીલેન્ડની ધરતી પર કીવિયો વિરૂદ્ધ દ્વિપક્ષીય ટી-20 ઇન્ટરનેશનલ સીરીઝ જીતી લીધી. ભારત આ પહેલા ન્યૂઝીલેન્ડની ધરતી પર દ્વિપક્ષીય ટી-20 ઇન્ટરનેશનલ સીરીઝ નથી જીતી શક્યું.
ન્યૂઝીલેન્ડ સામે T-20માં ભારતનો શ્રેણી વિજય
પાંચ T-20ની સીરીઝ 3-0થી જીતી
વિરાટ સેનાનો સુપર ઓવરમા વિજય
ન્યૂઝીલેન્ડ ટીમને કેપ્ટન કેન વિલિયમસન(94) ભારત વિરૂદ્ધ ત્રીજી ટી-20માં બુધવારે પોતાની ટીમને જીત ન અપાવી શક્યા અને ભારતીય ટીમને સુપર ઓવરમાં આ મુકાબલાને જીતીને સીરીઝ પર પણ કબ્જો મેળવ્યો. હેમિલ્ટનના સેડૉન પાર્કમાં ટોસ હારીને પ્રથમ બેટિંગ કરવા ઉતરેલી ભારતીય ટીમે 20 ઓવરમાં 5 વિકેટ ગુમાવીને 179 રન બનાવ્યા હતા અને ન્યુઝીલેન્ડને જીતવા માટે 180 રનનો લક્ષ્યાંક આપ્યો હતો. જેના જવાબમાં ન્યુઝીલેન્ડે 20 ઓવરમાં 6 વિકેટ ગુમાવીને 179 રન બનાવ્યા. જેને લઇને સીરીઝની ત્રીજી મેચ ટાઈ થઈ હતી. ત્યારબાદ ન્યૂઝીલેન્ડે સુપરઓવરમાં 17 રન બનાવ્યા હતા. જેના જવાબમાં ભારતે તોફાની બેટિંગ કરતા જીત મેળવી છે.
ત્યારબાદ મેચના પરિણામ માટે સુપર ઓવરનો સહારો લેવામાં આવ્યો. સુપર ઓવરમાં ન્યૂઝીલેન્ડે 1 સિક્સર અને 2 ફોરની મદદથી 17 રન બનાવ્યા અને ભારતીય ટીમે 20 રન બનાવ્યા. રોહિત શર્માએ સુપર ઓવરમાં સતત 2 સિક્સર લગાવીને ભારતને જીત અપાવી. બે બોલમાં 10 રનની જરૂર હતી ત્યારે રોહિત શર્માએ બે છગ્ગા મારીને મેચ જીતાડી હતી. આ જીતની સાથે ભારત 5 મેચોની સીરીઝમાં 3-0થી આગળ રહ્યું.
ત્યારે ન્યૂઝીલેન્ડ સામે T-20માં ભારતનો શ્રેણી વિજય થયો છે. T-20ની સિરિઝ 3-0થી જીત મેળવી છે. વિરાટ સેનાનો સુપર ઓવરમાં વિજય થયો છે. સુપર ઓવરમાં કે.એલ.રાહુલ અને રોહિત શર્માની તોફાની બેટિંગ કરી હતી.
ન્યૂઝીલેન્ડે સુપરઓવરમાં બનાવ્યા 17 રન
પ્રથમ બોલ- બુમરાહે વિલિયમસનને બોલ ફેંક્યો 1 રન બનાવ્યો
બીજો બોલ- બુમરાહની બોલ પર વિલિયમ્સને છગ્ગો માર્યો
ચોથો બોલ- બુમરાહના બોલ પર વિલિયમ્સને ચોગ્ગો માર્યો
પાંચમો બોલ- બુમાહના બોલ પર વિલિયમ્સને બાઈનો એક રન લીધો
છઠ્ઠો બોલ- બુમરાહના બોલ પર ગપ્ટિલે ચોગ્ગો માર્યો
ટીમ ઈન્ડિયાએ સૌપ્રથમ વખત રચ્યો આ ઇતિહાસ
ટીમ ઇન્ડિયાએ ન્યૂઝીલેન્ડની વિરુદ્ઘ સીરીઝની ત્રીજી T-20 ઇન્ટરનેશનલ મેચને જીતીને વિદેશની જમીન પર નવો એક ઇતિહાસ રચ્યો છે. તમને જણાવી દઇએ કે, સીરિઝના પહેલી T-20 મેચમાં ટીમ ઇન્ડિયાએ ન્યૂઝીલેન્ડને 6 વિકેટથી હરાવ્યુ હતું. આ પછી બીજી T-20 મેચમાં પણ 7 વિકેટથી જીતી અને સીરીઝની અંતિમ મેચ પણ જીતી છે. ટીમ ઇન્ડિયા ન્યૂઝીલેન્ડના વિરુદ્ઘ પાંચ મેચની T-20 સીરિઝ 3-0થી જીતી છે.
ટીમ ઇન્ડિયા જો ત્રીજી T-20 ઇન્ટરનેશનલ મેચ જીતીને ન્યૂઝીલેન્ડની ધરતી પર ઇતિહાસ રચ્યો છે. આ મેચમાં જીતની સાથે ટીમ ઇન્ડિયાએ પહેલી વખત ન્યૂઝીલેન્ડની ધરતી પર કીવિયોના વિરુદ્ઘ દ્ઘિપક્ષીય T-20 ઇન્ટરનેશનલ સીરિઝમાં જીત મેળવી. મહત્વનું છે કે ટીમ ઇન્ડિયા અત્યાર સુધીમાં ન્યૂઝીલેન્ડની જમીન પર દ્ઘિપક્ષીય T-20 ઇન્ટરનેશનલ મેચ જીતી શક્યું નથી.
ટીમ ઇન્ડિયા અને ન્યૂઝીલેન્ડની વચ્ચે આ T-20 સીરિઝની પહેલા 2 જ દ્ઘિપક્ષીય T-20 ઇન્ટરનેશલ સીરિઝ રમાઇ છે. આ બંને T-20 સીરિઝમાં ટીમ ઇન્ડિયાને ન્યૂઝીલેન્ડની વિરુદ્ઘ હારનો સામનો કરવો પડ્યો હતો. એક દ્ઘિપક્ષીય T-20 ઇન્ટરનેશનલ સીરિઝ 2008-09માં રમાઇ હતી. 2 મેચની આ સીરિઝમાં ટીમ ઇન્ડિયાને 0-2 થી હારનો સામનો કરવો પડ્યો હતો. આ પછી ટીમ ઇન્ડિયાને 2018-19 માં રમાયેલી T-20 સીરિઝમાં ન્યૂઝીલેન્ડે 2-1 થી હરાવી હતી.