IND vs NZ, 2nd Test / ન્યૂઝીલેન્ડ 62માં ઓલઆઉટ, ભારત મજબૂત સ્થિતિમાં છતાં ફોલોઑન ન આપ્યું, શરૂ કરી બીજી ઈનિંગ

મુંબઈનાં મેદાન પર કહેર બનીને તૂટયા ભારતીય બોલર્સ 
ભારત અને ન્યૂઝીલેન્ડ વચ્ચે ટેસ્ટ મેચ રમાઈ રહી છે જેમા એક બાદ એક રેકૉર્ડ તૂટી રહ્યા છે અને ટેસ્ટ મેચ હોવા છતાં રોમાંચક મેચ જામી હતી. ભારતના બોલર્સે આજે મેદાન પર જાણે તરખાટ મચાવ્યો હતો. ભારતીય બોલર્સનાં વાવાઝોડા સામે કિવિનાં બેટર ટકી ન શક્યા. 

R Ashwin finishes with a four-for in Mumbai 🔥

New Zealand are all-out for 62 😮

Should India enforce the follow-on? #INDvNZ

— ESPNcricinfo (@ESPNcricinfo) December 4, 2021

ફોલોઑન આપ્યું નહીં 
ન્યૂઝીલેન્ડને 62 રને ઓલઆઉટ કર્યા બાદ 263 રનની લીડમાં મજબૂત સ્થિતિ છતાં ટીમ ઈન્ડિયાએ ફોલો-ઑન આપ્યું નહીં. બીજી ઈનિંગમાં ભારતીય ઓપનર મયંક અગ્રવાલ અને પૂજારા ઉતર્યા હતા. 

સિરાજે મચાવ્યો તરખાટ 
આજે મહોમ્મદ સિરાજે 20 જ રનમાં ત્રણ ત્રણ બેટરને પવેલીયન ભેગા કરી દીધા હતા અને આ દરમિયાન સિરાજ હેટ્રીક હેટ્રીક બનાવતા બનાવતા રહી ગયો. મેચમાં ટીમ ઈન્ડિયાએ પહેલા ટોસ જીતીને બેટિંગ કરવાનો નિર્ણય કર્યો હતો. 

અશ્વિને પણ કર્યો કમાલ 
સિરાજની સાથે સાથે રવિચંદ્રન અશ્વિને પણ આજે મેદાન પર તરખાટ મચાવ્યો હતો. અશ્વિને એક જ ઓવરમાં બે બે બેટરની વિકેટ લઈને ન્યૂઝીલેન્ડ પર પ્રેશર ઊભું કર્યું હતું. અશ્વિને 20મી ઓવરમાં ચોથી બોલ પર ટોમને કેચ આઉટ કરાવ્યો અને છેલ્લી બોલ પર ટીમ સાઉદીને પણ કેચ આઉટ કરાવ્યો હતો. મુંબઈ ટેસ્ટમાં બીજા દિવસે ટી ટાઈમ સુધીમાં જ ન્યૂઝીલેન્ડની છ વિકેટ પડી ગઈ હતી અને માત્ર 38 રન જ બની શક્યા હતા. 

મુંબઈમાં જન્મેલા ન્યૂઝી.ના એજાઝ પટેલે મુંબઈમાં જ ઈતિહાસ રચ્યો
ભારત અને ન્યુઝીલેન્ડ વચ્ચે મુંબઈમાં રમાઈ રહેલી બીજી ટેસ્ટના બીજા દિવસે મુંબઇના જ એક બોલરે ઇતિહાસ રચી દીધો હતો. ટેસ્ટ ક્રિકેટમાં ઈતિહાસનું પુનરાવર્તન કરતા એજાઝ પટેલે એક ઈનિંગમાં તમામ 10 વિકેટ ઝડપી છે. ટેસ્ટ ક્રિકેટના ઈતિહાસમાં તે એક દાવમાં 10 વિકેટ લેનારો વિશ્વનો ત્રીજો બોલર બની ગયો છે. પટેલ પહેલા ટેસ્ટ ક્રિકેટમાં અનિલ કુંબલે અને ઈંગ્લેન્ડના જિમ લેકરે આ રેકોર્ડ બનાવ્યો હતો હતો.