ભારત અને ન્યૂઝીલેન્ડ વચ્ચે આજે સીરીઝની બીજી વન ડે રમવામાં આવીર રહી છે ત્યારે આજે ભારતીય કેપ્ટન વિરાટ કોહલીનું આક્રમક સ્વરૂપ જોવા મળ્યું હતું. વિરાટ કોહલી આજે અમ્પાયર પર લાલચોળ થયા હતા. ન્યૂઝીલેન્ડના બેટ્સમેન નિકોલસે 15 સેકંડ પછી ડીઆરએસ માંગ્યો જે મુદ્દે ભારતીય કેપ્ટન વિરાટ કોહલીએ વિરોધ દર્શાવ્યો હતો.
અમ્પાયર પર બગડ્યા વિરાટ કોહલી
15 સેકંડ પછી માંગેલા ડીઆરએસને મંજુરી આપવા બદલ અમ્પાયર પર ભડક્યા કોહલી
સમગ્ર મામલો થર્ડ અમ્પાયર પાસે પહોંચ્યો
એલબીડબ્લ્યુ આઉટ થયા હતા નિકોલસ
ઓકલેન્ડના ઈડન પાર્કમાં રમાઈ રહેલી બીજી વન ડેમાં માર્ટિન ગપ્ટિલ અને હેનરી નિકોલસની પાર્ટનરશીપ તોડવા માટે ભારતનાં બોલર્સે ખુબ મહેનત કરવી પડી. યુજવેન્દ્ર ચહલની ઓવરમાં સફળતા મળી જયારે હેનરી નિકોલસને આઉટ કરવામાં આવ્યો. ઇનિંગની 17મી ઓવરમાં હેનરી નિકોલસના રૂપે સફળતા મળી. ચહલની ઓવરમાં નિકોલસ એલબીડબ્લ્યુ કર્યો. આ વિકેટ પર ભારતીય કેપ્ટન વિરાટ કોહલી અમ્પાયર પર ગુસ્સે થઇ ગયા.
જ્યારે હેનરી નિકોલસ આઉટ થયા ત્યારે તરત જ ત્યાં ઉભેલા અમ્પાયરે આઉટનો ઈશારો કરી દીધો પરંતુ થોડી વાર સુધી નિકોલસ અને માર્ટિન આ વિષય પર ચર્ચા કરતા રહી ગયા અને 15 સેકંડ પછી નિકોલસે ડીઆરએસનો ઈશારો કર્યો જે મુદ્દે વિરાટ કોહલી લાલચોળ થઇ ગયા.
થર્ડ અમ્પાયરના રીવ્યુમાં પણ આઉટ થયા નિકોલસ
ભારતીય કેપ્ટને આ મુદ્દે વિરોધ દર્શાવ્યો અને અમ્પાયર પાસે પહોંચી ગયા. તેમણે જણાવ્યું કે રીવ્યુ લેવામાં 15 સેકંડથી વધુ સમય લેવામાં આવ્યો છે. વિરાટના વિરોધ બાદ સમગ્ર મામલો ત્રીજા અમ્પાયર પાસે પહોંચી ગયો. જોકે રીવ્યુમાં પણ ભારત માટે સારા સમાચાર જ આવ્યા. રીવ્યુમાં સાફ દેખાયું કે બોલ લેગ સ્ટમ્પ પર જ જઈ રહી છે જેથી નિકોલસે પવેલિયન ભેગા થઇ જવું પડ્યું.
આજની મેચમાં ટીમમાં છે બે ફેરફાર
નોંધનીય છે કે તે સમયે નિકોલસ અને માર્ટિન ગપ્ટિલ પાર્ટનરશીપમાં 100 રન પૂરાં કરવાથી માત્ર 7 રન જ દૂર હતા. આજની મેચમાં કેપ્ટન વિરાટ કોહલીએ ટોસ જીતીને ફિલ્ડીંગ કરવાનો નિર્ણય લીધો હતો. પહેલી મેચ ન્યૂઝીલેન્ડે જીતી હતી. આજની મેચમાં કુલદીપ યાદવની જગ્યાએ યુજવેન્દ્ર ચહલ અને મોહમ્મદ શમીના સ્થાને શાર્દુલ ઠાકુરને પ્લેયિંગ ઈલેવનમાં સામેલ કરવામાં આવ્યા છે. શમીને ટેસ્ટને ધ્યાનમાં રાખીને રેસ્ટ આપવામાં આવ્યો.