ન્યૂઝીલેન્ડમાં ટીમ ઇન્ડિયાની સૌથી મોટી હાર, આ રહ્યા હારના કારણો

By : juhiparikh 07:15 PM, 06 February 2019 | Updated : 07:15 PM, 06 February 2019
ન્યૂઝીલેન્ડે બુધવારે વેલિંગ્ટનના વેસ્ટપેક સ્ટેડિયમ ખાતે રમાયેલી પહેલી T-20 ઇન્ટરનેશનલ મેચમાં ટીમ ઇન્ડિયાને 80 રનથી માત આપીને ટીમ ઇન્ડિયાને આ ફોર્મેટમાં પોતાના દબદબાને વધારે મજબૂત કર્યુ છે. આ સાથે જ ન્યૂઝીલેન્ડ 3 મેચની વનડે સીરિઝમાં 1-0થી આગળ છે. પહેલા બેટિંગ કરવા માટે આવેલી ન્યૂઝીલેન્ડની ટીમે ટીમ ઇન્ડિયાને 220 રનનો ટાર્ગેટ આપ્યો. ટીમ ઇન્ડિયાના કેપ્ટન રોહિત શર્માએ ટૉસ જીતીને કીવી ટીમને પહેલા બેટિંગ કરવા માટે બોલાવી.
 
મેજબાન ટીમના બેટ્સમેને સૌથી સરસ પરફૉર્મન્સ કરીને નિર્ધારિત 20 ઑવર્સમાં 6 વિકેટ ગુમાવીને 219 રનના ટાર્ગેટ આપ્યો. ન્યૂઝીલેન્ડના 220 રનના ટાર્ગેટને પૂરો કરવા માટે આવેલી ટીમ ઇન્ડિયા 19.2 ઑવરમાં 139 રને ઑલઆઉટ થઇ ગઇ. ટીમ ઇન્ડિયા માટે મહેન્દ્ર સિંહ ધોનીએ સૌથી વધારે 39 રન કર્યા, શિખર ધવન 29 અને વિજય શંકર 27 રન કર્યા. 

આ T-20 મેચમાં ટીમ ઇન્ડિયાની રનમાં સૌથી મોટી હાર છે. ટીમ ઇન્ડિયાએ 7 મે 2010માં બ્રિઝટાઉનમાં ઓસ્ટ્રેલિયા વિરુદ્ઘ 49 રનથી હારી હતી. હવે 9 વર્ષ પછી ટીમ ઇન્ડિયાનો આ રેકોર્ડ તૂટી ગયો છે. કીવી ટીમે જોકે આ પહેલા પણ 2 વખત ટીમ ઇન્ડિયાને હાર માટે મજબૂર કરી છે. 

2016માં નાગપુરમાં ટીમ ઇન્ડિયાને કીવી ટીમ સામે 47 અને પછી 2017માં રાજકોટથી 40 રનથી હાર મળી છે. વિકેટોની દ્રષ્ટિએ ટીમ ઇન્ડિયાને 3 વખત 9 વિકેટથી હાર મળી અને એક વખત વેસ્ટ ઇન્ડિઝ અને 2 વખત ઓસ્ટ્રેલિયાને આ  અંતરથી હરાવ્યુ છે. ખાસ વાત એ છે કે આ ત્રણેય મેચ ઘરની બહાર થઇ છે. 

જાણીએ વેલિંગ્ટનમાં ટીમ ઇન્ડિયાની હાર પાછળના કારણો:

- વેલિંગ્ટનના વેસ્ટપેક સ્ટેડિયમમાં રમાયેલી પહેલી T-20 ઇન્ટરનેશનલ મેચમાં ટીમ ઇન્ડિયાના બૉલર્સનુ પરફૉર્મનસ ખરાબ રહ્યુ. ટીમના 5 બૉલર્સમાંથી 3 બૉલર્સની ઇકૉનોમી રેટ 10 ઉપર રહી. ટીમ ઇન્ડિયાની બૉલિંગ એટલી ખરાબ રહી કે કીવી બેટ્સમેને 8 ઓવરમાં કોઇ વિકેટ ગુમાવ્યા વગર 85 રન કર્યા. એટલુ જ નહી ન્યૂઝીલેન્ડના બેટ્સમેને છેલ્લી 5 ઑવરમાં 55 રન કર્યા અને મેચને ટીમ ઇન્ડિયાની પહોંચથી દૂર લઇ ગયા.

- વિકેટકિપર બેટ્સમેન ટિમ સેફર્ટે ટીમ ઇન્ડિયાની બૉલિંગની આબરૂ ઉડાડતા 43 બૉલમાં 84 રન કર્યા જેની મદદથી ન્યૂઝીલેન્ડે ટીમ ઇન્ડિયા વિરુદ્ઘ 6 વિકેટ પર 219 રનનો સ્કોર કર્યો. T-20 ક્રિકેટમાં સેફર્ટે છેલ્લો સર્વોચ્ચ સ્કોર 14 રન હતો પરંતુ તેને આજે કોલિન મુનરો સાથે ઇનિંગની શરૂઆત કરવા માટે મોકલવામાં આવ્યો હતો અને તેણે 8.2 ઑવરમાં 86 રન કરીને ટીમને આક્રમક શરૂઆત કરી. સિફર્ટે પોતાની ઇનિંગમાં 7 બાઉન્ડ્રી અને 1 સિક્સર ફટકારી.

- બૉલર્સની સાથે સાથે ટીમ ઇન્ડિયાની ફીલ્ડિંગ પણ ખૂબ જ ખરાબ રહી. ટીમ ઇન્ડિયાના ફિલ્ડરોએ ન્યૂઝીલેન્ડની ઇનિંગમાં 3 કેચ છોડ્યો જેમાં વિકેટની પાછળ મહેન્દ્ર સિંહ ધોનીનો પણ કેચ છોડ્યાનું શામેલ છે. ન્યૂઝીલેન્ડમાં ઇનિંગમા 5 ઑવરમાં મહેન્દ્ર સિંહ ધોનીએ ક્રૂણાલ પંડ્યાની બૉલ પર વિકેટની પાછળ રહેલા ટિમ સેફર્ટને જીવનદાન મળ્યુ. જે પછી દિનેશ કાર્તિક 11મી ઑવરમાં ટિમ સેફર્ટ અને 18માં ઑવરમાં રોસ ટેલરનો કેચ છોડ્યો. 

- બૉલિંગ અને ફિલ્ડિંગની સાથે સાથે ટીમ ઇન્ડિયાની બેટિંગ પણ ખરાબ રહી. ન્યૂઝીલેન્ડના 220 રનના ટાર્ગેટની સામે ટીમ ઇન્ડિયા 19.2 ઑવરમાં 139 રનમાં ઑલઆઉટ થઇ ગઇ. ટીમ ઇન્ડિયા માટે મહેન્દ્ર સિંહ ધોનીએ સૌથી વધારે 39 રન , શિખર ધવને 29 અને વિજય શંકરે 27 રન કર્યા. ટીમ ઇન્ડિયાના 7 બેટ્સમેન ડબલ આંકડો પણ પાર નથી કરી શક્યા.



Recent Story

Popular Story