ASIA CUP 2018: ટીમ ઇન્ડિયની સામે રમશે 'મિની પાકિસ્તાન' પ્લેઇંગ 11 પર સસ્પેન્સ

દુબઇની ધરતી પર એશિયા કપ ટૂર્નામેન્ટની શરૂઆત થઇ ચૂકી છે તો આજે ટીમ ઇન્ડિયા અને હોંગકોંગની વચ્ચે મેચ રમાશે. હોંગકોંગની ટીમને 'મિની પાકિસ્તાન' પણ કહેવામાં આવે છે. કારણ કે આ ટીમમાં 15 ખેલાડીઓમાંથી 11 ખેલાડીઓ મૂળ પાકિસ્તાનના જ છે. હોંગકોંગની ટીમે પહેલી મેચ પાકિસ્તાન સામે રમી હતી જેમાં 7 ખેલાડીઓ તો પાકિસ્તાનના જ હતા. ટીમ ઇન્ડિયાની સામેની મેચમાં પણ 7 ખેલાડીઓ  ટીમમાંથી રમે તેવી પૂરી શક્યતા રહેલી છે. કેપ્ટન વિરાટ કોહલીની ગેરહાજરીમાં ટીમ ઇન્ડિયાનું નેતૃત્વ રોહિત શર્માની પાસે છે. તેમ છતાં હોંગકોંગની ટીમને લઇને ટીમ ઇન્ડિયા કોઇ પ્રકારની બાંધછોડ કરવા તૈયાર નથી.

ટીમ ઇન્ડિયા અને હોંગકોંગની વચ્ચે બીજી વખત દુબઇમાં ટક્કર થઇ શકે છે. આ પહેલા વર્ષ 2008માં બંને ટીમ સામેસામે રમી હતી જેમાં ટીમ ઇન્ડિયાએ  256 રને જીત મેળવી હતી. વન ડે ઇન્ટરનેશનલ રનને ધ્યાનમાં લઇને ભારતની સૌથી મોટી જીત હતી. સૌથી મોટી જીતના રનનો રેકોર્ડ 257 રનનો છે. જે વર્ષ 2007ના વર્લ્ડ કપમાં ટીમ ઇન્ડિયાએ બરમુડા સામે ફટકાર્યા હતા. આ મેચમાં ટીમ ઇન્ડિયા સ્પષ્ટ રીતે જીતની દાવેદાર છે પણ ક્રિકેટપ્રેમીઓની નજર ટીમ દ્વારા તૈયાર થતા રેકોર્ડ પર હશે.

ટીમ ઇન્ડિયા:
રોહિત શર્મા શિખર ધવન લોકેશ રાહુલ અંબાતી રાયડું એમએસ ધોની મનીષ પાંડે હાર્દિક પંડ્યા ભૂવનેશ્વર કુમાર જસપ્રીત બુમરાહ કુલદીપ યાદવ યુજવેન્દ્ર ચહલ.

ટીમ હોંગકોંગ:
અશુંમાન રથ નિજાકત ખઆન બાબર હયાત ક્રિસ્ટોફર કાર્ટર કેડી શાહ અહસન ખાન એજાજ ખાન સ્કોટ મૈકેહની તસવીર અફઝલ અહસન નવાઝ નહીદ અહમદ