કોહલીના ડરથી ટેસ્ટ સીરિઝ માટે ઇંગલેન્ડના કેપ્ટને બનાવી ખાસ રણનીતિ

બર્મિધમ: ઇંગ્લેન્ડના કેપ્ટન જો રૂટે કહ્યું છે કે એમની ટીમ પાસે ભારતીય કેપ્ટન વિરાટ કોહલી માટે ખાસ યોજના છે જેમનો 2014માં ગત ઇંગ્લેન્ડ પ્રવાસ ખૂબ નિરાશાજનક રહ્યો હતો. ભારત અને ઇંગ્લેન્ડની વચ્ચે પાંચ ટેસ્ટ મેચોની સીરિઝની પહેલી ટેસ્ટ બુધવારથી બર્મિધમમાં રમાશે. 

કોહલીએ ગત પ્રવાસમાં 10 ઇનિંન્ગમાં 13.40ના સરેરાશથી માત્ર 134 રન કર્યા હતા. રૂટે કહ્યું 'અમારા દ્રષ્ટિકોણથી જોઇએ તો અમે ઇચ્છીએ છીએ કે એ આવું જ પ્રદર્શન કરે પરંતુ અમને ખબર છે કે એ કેટલો જોરદાર ખેલાડી છે અને એની ક્ષમતા શું છે.'

"My motive is to score runs & take Indian cricket forward" - @imVkohli #TeamIndia pic.twitter.com/52jDOEkCWX

— BCCI (@BCCI) July 31 2018

રૂટે માન્યું 'વિરાટે છેલ્લા કેટલાક વર્ષોમાં લાંબી સફર કરી છે ખાસ કરીને આ પ્રારૂપમાં. અમને લાગે છે કે એના માટે અમારી પાસે મજબૂત યોજના છે પરંતુ જ્યારે તમે દુનિયાના સર્વશ્રેષ્ઠ બેટ્સમેનની વિરુદ્ધ રમો છો તો એની પાસે એનો જવાબ હોય છે.'

ટીમમાં સ્પિીનર આદિલ રાશિદની પસંદગી પર ઊઠેલા પ્રશ્નો પર કેપ્ટન એની સાથે ઊભેલા જોવા મળ્યા. રૂટે કહ્યું કે રાશિદની ટીકાથી અમને કોઇ ફરક પડતો નથી એ ખૂબ સારી બોલિંગ કરી રહ્યો છે અને અમને આશા છે કે મેૈચમાં પણ સારી બોલિંગ કરશે. સ્વાભાવિક છે હું એની પસંદગીના પક્ષમાં હતો અને મને લાગે છે કે એ સ્પિન બાબતે આક્રમક વિકલ્પ છે.