ટ્રોલ / ભારતની હાર પર કંઇક આમ ભડક્યા પાકિસ્તાની, કહ્યુ- 'જાણી જોઇને હાર્યા'

27 વર્ષ પછી ઇંગ્લેન્ડ ટીમ ઇન્ડિયા સામે વર્લ્ડકપમાં જીત્યું. વર્લ્ડકપના પોઇન્ટ ટેબલ પર ટીમ ઇન્ડિયાની હારની સીધી અસર પાકિસ્તાન પર થઇ છે. પોઇન્ટ ટેબલની સ્થિતિના લીધે પહેલી વખત એવું થયું હતું કે પાકિસ્તાન પણ ટીમ ઇન્ડિયા જીતે એવું ઇચ્છતું હતું, પરંતુ ટીમ ઇન્ડિયા હારી ગઇ.

ઇંગ્લેન્ડે પ્રથમ બેટિંગ કરતા 50 ઓવરમાં 7 વિકેટ ગુમાવીને 337 રન કર્યા હતા. જોકે ટાર્ગેટ પૂરો કરવા માટે આવેલી ટીમ ઇન્ડિયાએ 50 ઑવરમાં 6 વિકેટ ગુમાવીને 306 રન જ કર્યા. જોકે આ મેચમાં હાર પછી ભારતીય પ્રંશંકોની સાથે પાકિસ્તાની પ્રંશસકો પણ દુખી થયા છે અને સોશ્યલ મીડિયા પર ગુસ્સો વ્યકત કરી રહ્યા છે. 

ટીમ ઇન્ડિયાની હાર પછી પાકિસ્તાનના ટ્વિટર પર #fixed, #dhoni, ##indiavsEngland ટોપ ટ્રેન્ડ કરી રહ્યા છે. 

વાસ્તવમાં પાકિસ્તાનને હવે એક મેચ રમવાની છે જે કોઇ પણ સ્થિતિમાં જીતવી પડે તેવી છે. આ સિવાય પાકિસ્તાનને સેમિફાઇનલમાં પહોંચવા માટે બીજી ટીમોની સ્થિતિ પર આધાર રાખે છે. જો રવિવારે ટીમ ઇન્ડિયા ઇંગ્લેન્ડને હરાવી દેત તો પાકિસ્તાનની સેમિફાઇનલમાં સુધી પહોંચવામાં થોડી રાહત મળી હોત. ઇંગ્લેન્ડની જીત પછી પાકિસ્તાનની સેમિફાઇનલમાં પહોંચવાનું સપનુ કદાચ શક્ય નહી થાય.