હાલમાં આયરલેન્ડને હરાવનારી ભારતીય ટીમ અત્યારે મસ્તીના મૂડમાં દેખાઈ રહી છે અને ક્રિકેટ છોડી બાળપણની રમત રમી રહી છે.
આયરલેન્ડને હરાવનારી ભારતીય ટીમ મસ્તીના મૂડમાં
ઈશાન કિશને ઈન્સ્ટાગ્રામ એકાઉન્ટ પર વીડિયો શેર કર્યો
ઈશાન, હાર્દિક પંડ્યા અને અક્ષર પટેલ ગેમ રમી રહ્યાં છે
ઈશાન કિશને શેર કર્યો વીડિયો
ભારતના યુવા બેટર ઈશાન કિશને તેના સત્તાવાર ઈન્સ્ટાગ્રામ એકાઉન્ટ પર એક વીડિયો શેર કર્યો. આ વીડિયોમાં તેમની સાથે ટી-20ના કેપ્ટન હાર્દિક પંડ્યા અને ભારતીય ટીમના બોલર અક્ષર પટેલ દેખાઈ રહ્યાં છે. ત્રણેય બેસીને ચિડીયા અને મૈના ઉડવાની ગેમ રમી રહ્યાં છે. પરંતુ જેવી ઈશાને મેનાને ઉડાડવાની વાત કહી તો અક્ષર પટેલ કહેવા લાગ્યો કે આ મેના તો મોરની બહેન હોય છે. જેને સાંભળીને હાર્દિક અને ઈશાન કિશન જોરજોરથી હસવા લાગ્યા. આ ત્રણેયનો વીડિયો સોશિયલ મીડિયામાં ઝડપથી વાયરલ થયો છે અને અત્યાર સુધી 3.5 લાખથી વધુ લોકો વીડિયો જોઈ ચૂક્યા છે.
ઉલ્લેખનીય છે કે આયરલેન્ડને હરાવનારી ભારતીય ટીમ ઈંગ્લેન્ડની સામે રમતી દેખાશે. તેથી દરેક ખેલાડી ડબલિનથી સીધા લંડન પહોંચી ગયા છે. કહેવામાં આવી રહ્યું છે કે રોહિત શર્માને આ સીરીઝમાંથી આરામ મળી શકે છે અને તેની જગ્યાએ કેપ્ટનશિપ હાર્દિક પંડ્યાના ખભા પર નાખવામાં આવશે. જેણે હાલમાં ભારતીય ટીમની કેપ્ટનશિપ કરી છે અને તેની પહેલા આઈપીએલમાં પણ તે ગુજરાત ટાઈટન્સની કેપ્ટનશિપ કરી ચૂક્યા છે. તો વિરાટ કોહલી, જસપ્રીત બુમરાહ જેવા દિગ્ગજ ખેલાડીઓ પણ પહેલી મેચમાં રમશે નહીં. તેની જગ્યાએ દીપક હુડ્ડા, ઈશાન કિશન, અક્ષર પટેલ, ઉમરાન મલિક જેવા ખેલાડીઓને તક આપવામાં આવશે.