ભારતે જબરદસ્ત લીડ મેળવી
ભારત અને ઈંગ્લેન્ડ વચ્ચે પહેલા ટેસ્ટ મેચનો આજે ત્રીજો દિવસ હતો અને ભારતનાં ધુરંધર બેટ્સમેનોની મદદથી પહેલી ઈનિંગમાં ભારતે જોરદાર લીડ મેળવી લીધી છે. કે એલ રાહુલ અને રવીન્દ્ર જાડેજાનાં બેટ આજે ખૂબ ચાલ્યા અને બંનેએ હાફ સેન્ચુરી ફટકારી. છેલ્લે છેલ્લે બૂમરાહે પણ રન ભેગા કર્યા. ભારતની ટીમે 278 રન કરીને 95 રનની મજબૂત લીડ બનાવી લીધી છે. ઈંગ્લેન્ડનાં બે બોલર્સે આજે 9 વીકેટ ખેરવી જેમાં રૉબિન્સને 5 જ્યારે એન્ડરસને 4 વીકેટ લીધી હતી.
પહેલા સેશનથી જ કર્યો કમાલ
ત્રીજા દિવસનાં પહેલા સેશનમાં વરસાદ વિઘ્ન નડ્યું હતું અને 11 બોલની મેચ બાકી હતી જે રોકવી પડી. બ્રેક બાદ ફરી મેચ ચાલુ થઈ તે બાદ રવીન્દ્ર જાડેજા અને કે એલ રાહુલે પારી સંભાળી અને ખૂબ રન બનાવ્યા.
જાડેજાએ રચ્યો ઈતિહાસ
આ મેચમાં રવીન્દ્ર જાડેજાનાં બેટથી ખૂબ રન નીકળ્યા અને ટેસ્ટ ક્રિકેટમાં પોતાના કરિયરનાં 2000 રન પૂરા કરી લીધા. ટેસ્ટ ક્રિકેટમાં 200 વીકેટ અને 2000 રન પૂરા કરનાર તેઓ પાંચમા ખેલાડી બન્યા છે.