ક્રિકેટ / ભારતને બદલો લેવાની વધુ એક તક મળશે, આવતા વર્ષે આ દેશમાં રમાશે  Ind Vs Eng ની 5મી ટેસ્ટ મેચ

• ભારત-ઇંગ્લેન્ડ 5 મી ટેસ્ટ આગામી વર્ષે રમાશે
• 2022માં એજબેસ્ટનમાં 1 થી 5 જુલાઈ દરમિયાન રમાશે  
• કેટલાક ખેલાડીઓ કોરોનાની ઝપટમાં આવતાં મેચ રદ્દ થઈ

The fifth match of our Men's LV= Insurance Test Series against India has been rescheduled and will now take place in July 2022.

— England Cricket (@englandcricket) October 22, 2021

2022માં એજબેસ્ટનમાં 1 થી 5 જુલાઈ દરમિયાન રમાશે  
 
કોરોના સંકટને કારણે ભારતના ઈંગ્લેન્ડ પ્રવાસમાં પાંચમી ટેસ્ટ મેચ રમાઈ ન હતી. પરંતુ હવે આ ટેસ્ટ મેચ જુલાઈ 2022માં રમાશે. ઈંગ્લેન્ડ ક્રિકેટ બોર્ડે શુક્રવારે એક નિવેદન જાહેર કરીને આ અંગેની સ્પષ્ટતા કરી છે. ભારતીય ટીમ આ શ્રેણીમાં 2-1થી આગળ છે. તેથી આવતાં વર્ષે આ મેચ 1 જુલાઈથી 5મી જુલાઈ દરમિયાન એજબેસ્ટનમાં રમાશે જે એક રીતે શ્રેણીની અંતિમ મેચ હશે.     
 

ટીમ ઈન્ડિયાના કેટલાક ખેલાડીઓ કોરોનાની ચપેટમાં આવતાં મેચ રદ્દ થઈ હતી. 

મહત્વનું છે કે, આ વર્ષે સપ્ટેમ્બરના અંતમાં ઈંગ્લેન્ડનામાન્ચેસ્ટરમાં શરૂ થવાની હતી. ત્યારે ટીમ ઈન્ડિયાના કેમ્પમાં કેટલાક ખેલાડીઓ કોરોનાની ચપેટમાં આવી ગયાં હતાં. તે કિસ્સામાં ટીમ ઈન્ડિયાએ રમવાની ના પાડી દીધી હતી. આ જ કારણે મેચ મુલતવી રાખવામાં આવી હતી.ત્યારથી બંને બોર્ડ વચ્ચે આ વિષે ચર્ચા ચાલી રહી હતી. અને હવે આ નિર્ણય લેવામાં આવ્યો છે .

આ પ્રવાસમાં ટી-20 અને વનડે શ્રેણી પણ રમશે
 
આ ટેસ્ટ મેચ ઉપરાંત ભારતીય ટીમ આ પ્રવાસમાં ટી-20 અને વનડે શ્રેણી પણ રમશે. ભારતે ઈંગ્લેન્ડમાં ત્રણ ટી-20 અને માત્ર ત્રણ વનડે રમવાની છે 

મેચનું નવું શેડ્યુલ

1થી 5 જુલાઈ -પાંચમી ટેસ્ટ મેચ 
7મી જુલાઈ-પહેલી ટી-20
9મી જુલાઈ-બીજી ટી-20
10મી જુલાઈ-ત્રીજી ટી-20
12મી જુલાઈ-પહેલી વન-ડે
14મી જુલાઈ-બીજી વન-ડે
17મી જુલાઈ-ત્રીજી વન-ડે