ભારતીય ટીમ અત્યારે ઈંગ્લેન્ડ સામેની 5 ટેસ્ટ મેચોની શ્રેણીની ચોથી મેચમાં આક્રમક રીતે રમી રહી છે. આ આખી શ્રેણી દરમ્યાન ભારતીય ટીમના કેપ્ટન વિરાટ કોહલી અને ઓપનિંગ સ્ટાર બેટ્સમેન રોહિત શર્માની વચ્ચે ઘનિષ્ઠ મિત્રતા જોવા મળી.
ચોથી ટેસ્ટ મેચમાં વિરાટ-રોહિતની ઘનિષ્ઠ મિત્રતા જોવા મળી
રોહિતે મલાનનો કેચ પકડ્યો ત્યારે વિરાટે રોહિતને ગળે લગાડ્યો
મેદાનમાં સ્લિપમાં ઉભા રહી રોહિત શર્માએ કેચ પકડ્યો
મેદાન પર રોહિત-વિરાટની મિત્રતા
ઘણી એવી ક્ષણો છે જ્યારે વિરાટ કોહલી અને રોહિત શર્મા વચ્ચે મતભેદ હોવાની અફવાઓ ઉડી છે. પરંતુ અત્યારે સોશિયલ મીડિયામાં એક વીડિયો ઝડપથી વાયરલ થઈ રહ્યો છે. જેને જોઈને તમે બંને ખેલાડીઓ વચ્ચેના સંબંધનો અંદાજ લગાવી શકો છો. ઈંગ્લેન્ડ સામેની ચોથી ટેસ્ટ મેચમાં ફરી એક વખત રોહિત શર્મા અને વિરાટ કોહલી વચ્ચે ઘનિષ્ઠ મિત્રતા જોવા મળી છે. ચોથી ટેસ્ટ મેચમાં જ્યારે કોઈ ઈંગ્લેન્ડનો બેટ્સમેન આઉટ થાય ત્યારે રોહિત અને વિરાટ એકબીજાને ગળે મળતા હતા. આવો એક નજારો ચોથી ટેસ્ટ મેચ દરમ્યાન જોવા મળ્યો. ઉમેશ યાદવની બોલિંગમાં રોહિત મલાનનો કેચ રોહિતે પકડ્યો ત્યારે ટીમના કેટલાંક ખેલાડી રોહિતની સાથે આવીને ઉજવણી કરી રહ્યાં હતા. તેમાં વિરાટ કોહલી પણ હતા. એવા સમયે કોહલીનો દેખાવ જોવાલાયક હતો. જ્યારે રોહિતે મલાનનો કેચ પકડ્યો ત્યારે વિરાટે રોહિતને ગળે લગાડ્યો હતો. આ દરમ્યાન રોહિત પણ ખૂબ હસ્યો હતો.