વનડે સીરિઝની ત્રીજી અને નિર્ણાયક મેચમાં ઇંગ્લેન્ડે ટીમ ઇન્ડિયાને 8 વિકેટથી હરાવી દીધી આ સાથે જ યજમાન ટીમે સીરિઝ 2-1થી પોતાના નામે કરી દીધી છે. પહેલી મેચ મહેમાન ટીમે જીતી હતી જ્યારે બીજી અને ત્રીજી મેચને ઇંગ્લિશ ટીમે જીતી હતી. લીડ્સમાં રમાયેલી આ મેચમાં ટીમ ઇન્ડિયાએ પહેલા બેટિંગ કરીને 8 વિકેટના નુકસાન પર 256 રન કર્યા જ્યારે ઇંગ્લેન્ડના જૉ રૂટ (100*)ની સેન્ચુરી અને કેપ્ટન ઇયોન મોર્ગન (88) રનની ઇનિંગ રમીને 44.3 ઑવરમાં 260 રન કરીને ટાર્ગેટ પૂરો કરી દીધો જૉ રૂટે બાઉન્ડ્રી ફટકારીને પોતાની ટીમને જીત અપાવી.
ટીમ ઇન્ડિયાની શરૂઆત નબળી:
આ પહેલા ટીમ ઇન્ડિયાએ ઇંગ્લેન્ડને 257 રનનો ટાર્ગેટ આપ્યો. ટીમ ઇન્ડિયા માટે સૌથી વધારે રન કેપ્ટન કોહલીએ 71 કર્યા. આ સિવાય શિખર ધવને (44) અને એમ.એસ.ધોનીએ (42) રનની ઇનિંગ રમી. એક સમય હતો જ્યારે ટીમ ઇન્ડિયા 250 રન સુધી પહોંચી નહી પરંતુ શાર્દુલ ઠાકુર (22 રન 13 બૉલ 2 સિક્સર) અને ભુવનેશ્વર કુમાર (21 રન 35 બૉલ)ની બેટિંગના કારણે ટીમ ઇન્ડિયાએ 50 ઑવરમાં 8 વિકેટ ગુમાવતા 256 રનનો સ્કોર કર્યો. ઇંગ્લેન્ડ માટે આદિલ રશીદ અને ડેવિડ વિલીને 3-3 વિકેટ મળી જ્યારે માર્ક વુડને 1 વિકેટ મળી.
જોની બેયરસ્ટોની શાનદાર શરૂઆત:
257 રનનો ટાર્ગેટ પૂરો કરવા પર આવેલી ઇંગ્લિશ ટીમની શરૂઆત શાનદાર કરી. ખાસ કરીને જોની બેયરસ્ટોની તૂફાની અંદાજમાં શરૂઆત કરી બેયરસ્ટોએ ભુવનેશ્વરની ઓવરમાં 4 બાઉન્ડ્રી ફટકારીને ભારતને હંફાવાનું શરુ કરી દીધું હતું. આ પછી હાર્દિકની ઓવરમાં પણ બેયરસ્ટોએ 3 બાઉન્ડ્રી ફટકારી. જોકે 5મી ઓવરમાં શાર્દુલ ઠાકુરની બોલિંગમાં સુરેશ રૈનાના હાથે કેચ થતાં બેયરસ્ટોએ વિકેટ ગુમાવી. તેણે માત્ર 13 બોલમાં 7 ચોગ્ગાની મદદથી 30 રન બનાવી લીધા હતા આ વિકેટ ઈંગ્લેન્ડ 43 રનના સ્કોર પર પડી હતી.
જેમ્સ વિન્સ થયો રન આઉટ:
જોકે બીજા ઑપનર જેમ્સ વિંસ થોડો અનલકી રહ્યો જોકે હાર્દિકના સટીક થ્રો પર ધોનીના હાથે રન આઉટ થયો તેણે 27 બૉલમાં 27 રન કર્યા. જે પછી જૉ રૂટ અને કેપ્ટન ઇયોન મોર્ગને મેચ સંભાળી. ગત મેચમાં સેન્ચુરી કરનાર જૉ રૂટે 60 બૉલમાં હાફ સેન્ચુરી કરી જ્યારે મોર્ગને 58 બૉલમાં હાફ સેન્ચુરી કરી. આ બન્ને બેટ્સમેનોએ છેક સુધી એક બીજાનો સાથ આપીને ટીમને જીત અપાવી દીધી.
રૂટ અને મોર્ગનને 186 રનની કરી પાર્ટનરશિપ:
આ જો રૂટ અને મોર્ગને 186 રનની પાર્ટનરશિપ કરી. આ દરમિયાન જૉ રૂટે 120 બૉલમાં 10 બાઉન્ડ્રી જ્યારે કેપ્ટમ મોર્ગને 108 બૉલમાં 9 બાઉન્ડ્રી અને 1 સિક્સર ફટકારી. શાર્દુલ ઠાકુરે 1 વિકેટ લીધી. ટીમ ઇન્ડિયાના બોલરમાં માત્ર શાર્દુલ ઠાકુરને એક સફળતા મળી. 3 વિકેટ લેનાર આદિલ રાશિદને મેન ઓફ ધ મેચ પસંદ કરાયો જ્યારે સતત બે સેન્ચુરી કરનારા રૂટને મેન ઓફ ધ સીરિઝ પસંદ કરાયો.