ઇંગ્લેન્ડે ટીમ ઇન્ડિયાને બર્મિંગનમાં રમાયેલી રોમાંચક ટેસ્ટ મેચમાં 31 રનથી માત આપી દીધી છે આ સાથે જ મેજબાન ટીમે પાંચ મેચની ટેસ્ટ સીરિઝમાં 1-0થી આગળ છે. ટૉસ જીતીને પહેલા બેટિંગ કરવા આવેલી ઇંગ્લેન્ડ ટીમ પોતાની પહેલી ઇનિંગમાં 287 રન બનાવીને ઑલઆઉટ થઇ ગઇ.
287 રનનો ટાર્ગેટ પૂરો કરવા માટે આવેલી ટીમ ઇન્ડિયાએ પહેલી ઇનિંગમાં 274 રન કર્યા જે પછી ઇંગ્લેન્ડ પહેલી ઇનિંગના આધાર પર 13 રનથી આગળ રહ્યુ. બીજી ઇનિંગમાં ઇંગ્લેન્ડે 180 રન કર્યા જેના પછી ટીમ ઇન્ડિયાને જીત પછી 194 રનના ટાર્ગેટ મળ્યો. ટાર્ગેટ પૂરો કરવા માટે આવેલી ટીમ ઇન્ડિયા 162 રન પર ઑલઆઉટ થઇ ગઇ અને ઇંગ્લેન્ડ 31 રનથી મેચ પોતાના નામે કરી દીધી.
ટીમ ઇન્ડિયા માટે ફરી એક વખત કેપ્ટન વિરાટ કોહલીએ 93 બૉલમાં 4 બાઉન્ડ્રીની મદદથી 51 રન કર્યા ટીમ ઇન્ડિયાના ત્રીજા દિવસના અંતમાં પાંચ વિકેટના નુકસાન પર 110 રન કર્યા હતા ચોથા દિવસે એટલે કે આજે કેપ્ટન અને તેની સાથે અણનમ પરત ફરેલા દિનેશ કાર્તિક (20)ના ટીમને જીત આપવવાની જવાબદારી હતી. જેમ્સ એન્ડરસને કાર્તિકને પહેલી જ ઑવરમાં પવેલિયન મોકલી દીધો.
બેન સ્ટોક્સે 141ના કુલ સ્કોર પર કોહલીને આઉટ કરી ઇંગ્લેન્ડ જીત લગભગ નક્કી હતી સ્ટોક્સે હાર્દિક પંડ્યાને 31 રને આઉટ કરીને ટીમ ઇન્ડિયાને ઑલઆઉટ કરી દીધું. ઇંગ્લેન્ડની બીજી ઇનિંગમાં સ્ટોક્સે 4 વિકેટ લીધી. એન્ડરસન અને બ્રૉડ 2-2 વિકેટ મેળવી જ્યારે સૈમ કુરેન અને આદિલ રાશિદે 1-1 વિકેટ ઝડપી.