ભારતના ઐતિહાસિક ક્રિકેટ ગ્રાઉન્ડ કોલકાતા ઇડન ગાર્ડન્સ પર ઇતિહાસ રચાવવા જઇ રહ્યો છે. ભારતીય ક્રિકેટ ઇતિહાસની પહેલી ડે નાઇટ મેચ અહીંયા રમાવવામાં આવશે. બાંગ્લાદેશ વિરુદ્ઘ ટીમ ઇન્ડિયા 22-26 નવેમ્બરની વચ્ચે આ મેચ રમશે. 22 નવેમ્બરના ભારત ડે-નાઇટ ટેસ્ટ મેચની મેજબાની કરનારો 7મો દેશ બની જશે.
ભારતીય ક્રિકેટ કંટ્રોલ બોર્ડ (BCCI) ના અધ્યક્ષ સૌરવ ગાંગુલી શરૂઆતથી ડે-નાઇટ મેચ રમાવવામાં આવે તેના પક્ષમાં હતા. BCCI ની કમાન સંભાળતા જ સૌરવ ગાંગુલીએ આ નિર્ણય કર્યો અને તે છે પહેલી ડે-નાઇટ ટેસ્ટ મેચ. બાંગ્લાદેશ ક્રિકેટ બોર્ડ ને BCCI એ કોલકાતામાં રમાઇ જનારી ટેસ્ટ સીરિઝની બીજી ડે-નાઇટ મેચ કરવાનો પ્રસ્તાવ કર્યો, જેના પર થોડો સમય લીધા પછી છેવટે બાંગ્લાદેશ ક્રિકેટ બોર્ડએ પરવાનગી આપી દીધી.
ભારતમાં રમાઇ જનારી ઐતિહાસિક ડે-નાઇટ ટેસ્ટ મેચ જોવા માટે લોકોમાં ભરપૂર ઉત્સાહ છે. કોલકાતાના ક્રિકેટપ્રેમી આ ઐતિહાસિક ક્ષણનો ભાગ બનવા માટે કોઇ પણ રકમ ખર્ચ કરવા માટે તૈયાર છે. પરંતુ ખુશીની વાત એવાી છે કે, આ મેચને ડે નાઇટ કરતા પહેલા જ મેચની ટિકિટની રાશિ નક્કી કરી દેવામા આવી હતી.
🚨Eden Gardens to host India’s first ever Day-Night Test match🚨 #INDvBAN
68000 ઓડિયન્સની ક્ષમતા ધરાવતા ઇડન ગાર્ડન્સ સ્ટેડયિમમાં દર્શકોની સંખ્યાને લઇને CAB એ તૈયારી શરૂ કરી દેવામાં આવી છે. આ મેચ માટે સૌથી ઓછામાં ઓછી ટિકિટની કિંમત 50 રૂપિયા રાખવામાં આવી છે. મતલબ સ્કૂલના બાળકો ઇચ્છે તો પૉકેટ મનીથી પણ મેચની ટિકિટ ખરીદી મજા ઉઠાવી શકે છે.
CAB ના સચિવે જણાવ્યુ કે, ''ટિકિટની કિંમત 50,100 અને 150 રૂપિયા સુધી રાખવામાં આવી છે. પ્રયત્ન છે કે, આ મેચ માટે મોટી સંખ્યામાં લોકો સ્ટેડિયમ સુધી આવે.''