બાંગ્લાદેશ સામેની પ્રેકિટસ મેચમાં ભારતે આસાન વિજય મેળવ્યો. ભારતે બાંગ્લાદેશ સામેની તેની બીજી અને આખરી પ્રેકિટસ મેચમાં સાત વિકેટે 324 રન કર્યા હતા. જે પછી ભુવનેશ્વર અને ઉમેશ યાદવે ત્રણ-ત્રણ વિકેટ ઝડપીને સપાટો બોલાવતા બાંગ્લાદેશે તેની છ વિકેટ તો માત્ર 22 રનમાં ગુમાવી દીધી હતી. આખરે તેઓ 84માં ખખડી જતાં 240 રનથી હાર્યા હતા.
ભારતે આ સાથે તેની બંને પ્રેકિટસ મેચમાં આસાન વિજય સાથે ચેમ્પિયન્સ ટ્રોફીની તૈયારીઓને આખરી ઓપ આપ્યો હતો. હવે ભારતીય ટીમનો મુકાબલો તા. 4 જૂનને રવિવારે પાકિસ્તાન સામે થશે. ન્યૂઝિલેન્ડ સામેની પ્રેકિટસ મેચમાં ભારતને બેટીંગ પ્રેકિટસ મળી નહતી. જોકે બીજી પ્રેકિટસ મેચમાં બાંગ્લાદેશ ટોસ જીતીને ભારતને પ્રથમ બેટીંગમાઁ ઉતાર્યું હતુ.