Ind vs Ban / 1st Test: પ્રથમ દિવસના અંતે ભારત (174/3) બાંગ્લાદેશ (106) સામે 68 રનથી લીડ મેળવી

• કોલકાતાના ઈડન ગાર્ડન્સ સ્ટેડિયમમાં ઐતિહાસિક ડે-નાઈટ ટેસ્ટ મેચ
• બાંગ્લાદેશે ટોસ જીતીને બેટિંગ લીધી
• પિંક બૉલ ટેસ્ટઃ પ્રથમ દિવસે ભારતનો સ્કોર 174/3, 68 રનની લીડ

વિરાટ કોહલીની ટીમ ઈન્ડિયા ડે-નાઈટ ટેસ્ટને પડકાર આપવા તૈયાર છે. ભારત અને બાંગ્લાદેશ વચ્ચેની બે ટેસ્ટ મેચની શ્રેણીની બીજી અને છેલ્લી ટેસ્ટ (ભારત અને  બાંગ્લાદેશ, બીજી ટેસ્ટ) કોલકાતાના ઈડન ગાર્ડન્સ ખાતે રમાઇ રહી છે. ટોસ જીત્યા બાદ બાંગ્લાદેશની ટીમે પ્રથમ બેટિંગ કરવાનો નિર્ણય લીધો અને પહેલી ઈનિંગ્સમાં 106 રન પર ઓલઆઉટ થઈ ગઈ છે. સામે ટીમ ઈન્ડિયાએ કોઈપણ વિકેટ ગુમાવ્યા વિના 11 રન બનાવી લીધા છે. ક્રીઝ પર રોહિત શર્મા (6 રન) અને મયંક અગ્રવાલ (4 રન) છે.

ઇશાંત શર્માએ 5 વિકેટ ઝડપી હતી

પિંક બોલથી ઈશાંત શર્માએ પાંચ વિકેટ ઝડપી હતી. ઈશાંતે ઈમરુલ કાએસને એલબીડબ્લ્યુ આઉટ કરીને બાંગ્લાદેશને પહેલો ઝટકો આપ્યો હતો. ઇમરુલ કાએસ 4 રન બનાવી આઉટ થયો હતો. ઉમેશ યાદવે મોમિનુલ હક (0) અને મોહમ્મદ મિથુન (0) ને શૂન્ય પર આઉટ કર્યા. આ પછી, મોહમ્મદ શમીએ મુશફિકુર રહીમને શૂન્ય પર બોલ્ડ કરી બાંગ્લાદેશની ચોથી વિકેટ લીધી. ઉમેશ યાદવે શાદમાન ઇસ્લામ(29)ને પેવેલિયન મોકલી પાંચમી વિકેટ લીધી. આ સાથે ભારત માટે ઈશાંત શર્માએ 5, ઉમેશ યાદવે 3 અને મોહમ્મદ શમીએ 2 વિકેટ લીધી હતી. 

પ્રથમ ટેસ્ટ ત્રણ જ દિવસમાં જીતી હતી ટીમ ઈન્ડિયા

આ ડે-નાઈટ ટેસ્ટ મેચ જીતીને શ્રેણી 'ક્લિન સ્વીપ' કરવાના આશયથી ઉતરશે. ઈન્દોરમાં રમાયેલી પ્રથમ ટેસ્ટ મેચમાં બાંગ્લાદેશને ઈનિંગ્સ અને 130 રને હરાવીને ભારતે શ્રેણીમાં 1-0ની લીડ મેળવી લીધી હતી. આ જીતની સાથે ટીમ ઈન્ડિયાને આઈસીસી વર્લ્ડ ચેમ્પિયનશિપમાં પોતાની લીડ મજબૂત કરી લીધી છે. વિશ્વની નંબર વન ટેસ્ટ ટીમના કેપ્ટન વિરાટ કોહલીની ટીમ ટેસ્ટ ચેમ્પિયનશીપની શરૂઆત થઈ ત્યારથી અત્યાર સુધી 6 મેચ જીતી ચૂકી છે. જેમાં વેસ્ટ ઇન્ડીઝ સામે બે, દક્ષિણ આફ્રિકા સામે ત્રણ અને બાંગ્લાદેશ સામે એક ટેસ્ટ જીતી છે. ભારતીય ક્રિકેટ બોર્ડ ઓફ કન્ટ્રોલ (બીસીસીઆઈ)ના અધ્યક્ષ બન્યા પછી તેને સૌરવ ગાંગુલીની સૌથી મોટી ઉપલબ્ધિ તરીકે જોવામાં આવી રહ્યું છે. ગાંગુલીએ જ બાંગ્લાદેશને ડે-નાઈટ ટેસ્ટ મેચ રમવા માટે તૈયાર કર્યા હતા..