IND vs BAN / ભારતે બાંગ્લાદેશને એક ઇનિંગ્સ અને 46 રનથી હરાવી ઈતિહાસ રચ્યો, 2-0થી બાંગ્લાદેશને હરાવ્યું

• ભારતે પહેલી જ ડે-નાઇટ ટેસ્ટ મેચમાં શાનદાર જીત મેળવી
• ભારતે બાંગ્લાદેશને 2-0થી હરાવ્યું
• ટીમ ઇન્ડિયાના કેપ્ટન વિરાટ કોહલીએ સૌથી વધારે 136 રન બનાવ્યા

નોંધનીય છે કે, ભારતે ઇંદોર ટેસ્ટમાં ત્રણ દિવસમાં જ બાંગ્લાદેશને ઇનિંગ અને 130 રનોથી હરાવ્યું હતું. ત્યારબાદ કોલકાતામાં પણ ભારતે બાંગ્લાદેશને હરાવી બે ટેસ્ટ મેચોની સિરીઝને 2-0થી પોતાના નામે કરી લીધી. આમ ભારત એક ઇનિગ્સથી સતત ચોથી જીત મેળવનાર પ્રથમ દેશ બન્યો છે. 

This is #TeamIndia's 7 straight Test win in a row, which is our longest streak 🙌💪😎#PinkBallTest @Paytm pic.twitter.com/Lt2168Qidn

— BCCI (@BCCI) November 24, 2019

રવિવારે કોલકાતામાં ડે-નાઇટ ટેસ્ટના ત્રીજા દિવસે જ ભારતે બાંગ્લાદેશને ઇનિંગ અને 46 રનોથી હરાવ્યું. ડે-નાઇટ ટેસ્ટમાં ટોસ જીતીને પહેલા બેટિંગ કરવા ઉતરી બાંગ્લાદેશની ટીમ પોતાના પહેલી ઇનિંગમાં જ 106 રનો પર ઓલઆઉટ થઇ ગયું. જવાબમાં ટીમ ઇન્ડિયાએ 9 વિકેટ પર 347 રન બનાવીને પહેલી ઇનિંગ જાહેર કરી. 

Innings Break!#TeamIndia have declared with a total of 347/9 on the board. Lead by 241 runs.#PinkBallTest #INDvBAN pic.twitter.com/XDSTNTytjw

— BCCI (@BCCI) November 23, 2019

પિંક બોલ ટેસ્ટમાં ટીમ ઇન્ડિયાએ બાંગ્લાદેશને ઇનિંગ અને 46 રનથી હરાવી ત્રીજા દિવસે જ આ ઐતિહાસિક મેચ પોતાના નામે કરી લીધી છે. ભારતે બાંગ્લાદેશને બે ટેસ્ટની આ સિરીઝ 2-0થી પોતાના નામે કરી લીધી છે. અને ટેસ્ટ ચેમ્પિયનશિપમાં પોતાના અજેય રેકોર્ડને કાયમ રાખ્યો છે. ઉમેશ યાદવે આ ઇનિંગમાં 53 રન આપીને 5 વિકેટ પોતાના નામે કરી. જ્યારે પહેલી ઇનિંગમાં 5 વિકેટ લેનારા ઝડપી બોલર ઇશાંત શર્માએ આ ઇનિંગમાં પણ 4 પોતાના નામે કરી. આ ટેસ્ટ મેચની એક ખાસિયત એમ પણ રહી કે ભારતના સ્પિન બોલર મેચની 20 વિકેટમાંથી એક પણ વિકેટ ન લઇ શક્યા. તમામ વિકેટ ફાસ્ટ બોલરે પોતાના નામે લીધી. 

ટીમ ઇન્ડિયાએ 347 રન બનાવીને પહેલી ઇનિંગ જાહેર કરી. ભારતના કેપ્ટન વિરાટ કોહલીએ સૌથી વધારે 136 રન બનાવ્યા. કેપ્ટન કોહલીએ 194 બોલમાં 18 ફોરની મદદથી 136 રનોની ઇનિંગ રમ્યા. કોલકાતા મેચમાં કોહલીએ પોતાની 27મી ટેસ્ટ સેન્ચયૂરી પૂર્ણ કરી. આ સદી સાથે જ કોહલી ટેસ્ટ મેચમાં કેપ્ટન તરીકે સૌથી વધારે સદી નોંધાવનાર ખેલાડીઓની સૂચીમાં બીજા સ્થાને પહોંચી ગયા છે. વિરાટ કોહલીની આ કેપ્ટનશીપ હેઠળની 20મી સદી હતી.