આજથી ભારત-બાંગ્લાદેશ પ્રથમ ડે-નાઈટ ટેસ્ટ મેચ શરૂ થઈ રહી છે. ભારત-બાંગ્લાદેશ પ્રથમ ડે-નાઈટ ટેસ્ટ મેચ આજથી કોલકાતામાં રમાશે. ત્યારે આ ટેસ્ટ મેચ નિહાળવા માટે બાંગ્લાદેશના PM શેખ હસીના આજે ભારત આવશે. શેખ હસીનાને PM મોદીએ ભારત આવવા આમંત્રણ આપ્યું હતું.
આજથી ભારત-બાંગ્લાદેશ વચ્ચે બીજી ટેસ્ટ મેચ
બાંગ્લાદેશના PM શેખ હસીના આજે ભારત આવશે
ગુલાબી બોલથી પ્રથમ વખત રમાશે ટેસ્ટ ક્રિકેટ
આજથી ભારત-બાંગ્લાદેશ વચ્ચે બીજી ટેસ્ટ મેચ રમાવાની છે. ત્યારે ભારતીય ટીમ બાંગ્લાદેશને વ્હાઈટ વોશ કરવાના નિર્ધાર સાથે મેદાનમાં ઉતરશે. ભારતે છેલ્લે ઘરઆંગણે રમાયેલી ત્રણ મેચની શ્રેણીમાં સાઉથ આફ્રિકાને વ્હાઈટ વોશ કર્યું હતું. જોકે, ભારત અને બાંગ્લાદેશ વચ્ચે રમાનારી બીજી ટેસ્ટ વધારે મહત્વની રહેશે કેમ કે તે મેચ ડે-નાઈટ હશે. બંને ટીમો પ્રથમ વખત પિન્ક બોલથી ટેસ્ટ મેચ રમવાની છે. વિરાટ કોહલીની આગેવાનીમાં ભારતીય ટીમ ઉતરશે. જ્યારે બાંગ્લાદેશ ટીમની કેપ્ટનશીપ મોમિનુલ હક કરશે. બાંગ્લાદેશ સામે 2 ટેસ્ટ મેચની સિરિઝમાં ભારત 1-0થી આગળ છે.
પિંક બોલથી રમવું મુશ્કેલ અને પડકારજનક હશેઃ કોહલી
ભારતીય કેપ્ટન વિરાટ કોહલીએ પિંક બોલ ટેસ્ટ મેચના એક દિવસ પહેલા મોટું નિવેદન આપ્યું હતું. કોહલીએ કહ્યું, આ બોલથી રમવું મુશ્કેલ અને પડકારજનક હશે. ડે નાઇટ ફોર્મેટમાં ટેસ્ટ મેચ રમાનારી હોવાથી થોડું પડકારજનક છે. પિંક બોલથી રમવું સરળ નથી. બોલરને ઘણો બૂસ્ટ મળશે. પ્રથમ કલાક ખૂબ એક્સાઇટિંગ હશે. ખેલાડીઓ ખૂબ ઉત્સાહિત હશે અને લોકોને પણ ઘણી મજા આવશે. રોમાંચના મામલે પિંક બોલ ટેસ્ટની તુલના ભારત-પાકિસ્તાનની વર્લ્ડકપ મેચ સાથે કરી હતી.