IPLIN
 

T20 ઇન્ટરનેશનલ / IND vs BAN: ભારતે બાંગ્લાદેશને 30 રનથી હરાવી સીરીઝ જીતી, ચાહરની હેટ્રીક

Team VTV 11:40 PM, 10 Nov 19 | Updated: 02:32 AM, 11 Nov 19
Follow us
india vs bangladesh 3rd t20 match

નાગપુરના વિદર્ભ ક્રિકેટ એસોસિએશન સ્ટેડિયમ ખાતે રમાયેલી ત્રીજી અને નિર્ણાયક ટી 20 આંતરરાષ્ટ્રીય મેચમાં ભારતે મહેમાન ટીમ બાંગ્લાદેશને 30 રને હરાવી ત્રણ મેચની ટી-20 શ્રેણી 2-1થી જીતી લીધી છે. આપને જણાવી દઈએ કે પહેલી મેચમાં બાંગ્લાદેશે દિલ્હીમાં ભારતને 7 વિકેટે હરાવ્યું હતું.

  • IND vs BAN વચ્ચેની શ્રેણીમાં ભારતનો વિજય
  • 19.2 ઓવરમાં 10 વિકેટે 144 રન બનાવી શકી બાંગ્લાદેશની ટીમ
  • પાંચ કે તેથી વધુ વિકેટ લેનાર ચોથો ભારતીય બોલર ચાહર

ત્યારબાદ બાંગ્લાદેશે પ્રથમ વખત ટી 20 આંતરરાષ્ટ્રીય મેચમાં ભારતને હરાવી દીધું હતું. આ પછી, ભારતે બાંગ્લાદેશને બીજી ટી 20 માં 8 વિકેટે હરાવ્યું અને ત્યારબાદ નિર્ણાયક ટી 20 મેચમાં ભારતે મહેમાન ટીમને હરાવી શ્રેણીને પોતાના નામે કરી દીધી હતી. ટોસ હાર્યા બાદ પ્રથમ બેટિંગ કરતા ટીમ ઇન્ડિયાએ 20 ઓવરમાં 5 વિકેટ ગુમાવીને 174 રન બનાવ્યા હતા અને બાંગ્લાદેશને જીતવા માટે 175 રનનો લક્ષ્યાંક આપ્યો હતો.

19.2 ઓવરમાં 10 વિકેટે 144 રન બનાવી શકી બાંગ્લાદેશની ટીમ

જેના જવાબરૂપે બાંગ્લાદેશની ટીમ 19.2 ઓવરમાં 10 વિકેટે 144 રન જ બનાવી શકી. ભારત તરફથી દિપક ચાહરે હેટ્રિક સહિત છ વિકેટ લીધી હતી. શિવમ દુબેને ત્રણ સફળતા મળી. ભારત તરફથી દિપક ચાહરે સાત રન આપીને છ વિકેટ ઝડપી હતી. આ સાથે તે ટી -20 આંતરરાષ્ટ્રીય મેચમાં શ્રેષ્ઠ બોલર બની ગયો છે.

પાંચ કે તેથી વધુ વિકેટ લેનાર ચોથો ભારતીય બોલર ચાહર

આ સિવાય તે મેચમાં પાંચ કે તેથી વધુ વિકેટ લેનાર ચોથો ભારતીય બોલર પણ બની ગયો છે. ચાહર સિવાય શિવમ દુબેએ ત્રણ અને યુઝવેન્દ્ર ચહલે એક વિકેટ લીધી હતી. બાંગ્લાદેશ તરફથી મોહમ્મદ નઇમે સૌથી વધુ રન બનાવ્યા. નઇમે 81 રન બનાવ્યા. તેમના સિવાય મોહમ્મદ મિથુને 27 રનનું યોગદાન આપ્યું હતું.

ભારતે બાંગ્લાદેશને આપ્યો 175 રનનો ટાર્ગેટ

પ્રથમ બેટિંગ કરતા ભારતે 20 ઓવરમાં પાંચ વિકેટના નુકસાન પર 174 રન બનાવ્યા હતા અને બાંગ્લાદેશને જીતવા માટે 175 રનનો લક્ષ્યાંક આપ્યો હતો. ભારત તરફથી શ્રેયસ અય્યરે 62 રન ફટકારતાં તેની ટી -20 કારકિર્દીની પહેલી અડધી સદી ફટકારી હતી.

લોકેશ રાહુલે ટી-20 કારકિર્દીની છઠ્ઠી અડધી સદી ફટકારી

લોકેશ રાહુલે ટી-20 કારકિર્દીની છઠ્ઠી અડધી સદી ફટકારી હતી. રાહુલ 52 રન બનાવીને આઉટ થયો હતો. તેમના સિવાય મનિષ પાંડેએ અણનમ 22 અને શિખર ધવને 19 રનનું યોગદાન આપ્યું હતું. બાંગ્લાદેશ તરફથી સૌમ્યા સરકાર અને શૈફુલ ઇસ્લામે બે-બે વિકેટ ઝડપી હતી. એક વિકેટ અલ અમીન હુસેને લીધી હતી.

ગુજરાતી ન્યૂઝ IND vs BAN match India Bangladesh ભારત બાંગ્લાદેશ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ