VIDEO: વિકેટો પડતાની સાથે જ ગ્રાઉન્ડમાં ડાન્સ કરવા લાગ્યો વિરાટ કોહલી

ટીમ ઇન્ડિયા અને ઓસ્ટ્રેલિયાની વચ્ચેની સીરિઝ પહેલી ટેસ્ટ મેચ દરમિયાન કેપ્ટન વિરાટ કોહલી મસ્તી મૂડમાં જોવા મળ્યો. વિરાટને એક વીડિયો ક્રિકેટ ઓસ્ટ્રેલિયાએ સોશ્યલ મીડિયા પર શૅર કર્યો છે.એડિલેડ ટેસ્ટના ત્રીજા દિવસે ટીમ ઇન્ડિયાએ ઓસ્ટ્રેલિયાને 235 રન પર ઑલઆઉટ કરી દીધુ. આ દરમિયાન કેપ્ટન વિરાટ કોહલી ગ્રાઉન્ડમાં ખૂબ જ ખુશ જોવા મળ્યો હતો. ટીમ ઇન્ડિયાનો કેપ્ટન વિરાટ કોહલી મસ્તીમાં ડાન્સ કરતો જોવા મળ્યો. 

 

Virat's loving it... #AUSvIND pic.twitter.com/JV0lxo4Aen

— cricket.com.au (@cricketcomau) 8 December 2018

ટીમ ઇન્ડિયાના બોલર્સે શુક્રવારે ઓસ્ટ્રેલિયાની 7 વિકેટ ઝડપી હતી અને શનિવારે સવારે ટીમ ઇન્ડિયાના બૉલર્સે ઓસ્ટ્રેલિયાની ટીમને ઓલ આઉટ કરી. કદાચ આ જ કારણે કોહલી ખૂબ ખુશ હતો. ત્રીજા દિવસે વરસાદના કારણે મેચ 45 મિનિટ મોડી શરૂ થઇ. ત્યાર બાદ વરસાદના કારણે મેચને બે વાર રોકવી પડી. જે બાદ અમ્પાયરે લંચની જાહેરાત કરી હતી. 

દિવસની પહેલી 20 મિનિટની ગેમમાં ઓસ્ટ્રેલિયાએ 191થી વધીને 200 બનાવ્યા. ત્યાર પછી વરસાદ શરૂ થયો. જોકે વરસાદ પહેલા જસપ્રીત બુમરાહે મિશેલ સ્ટાર્કને આઉટ કર્યો. 

ઓસ્ટ્રેલિયાના કોચ જસ્ટિન લેંગરે કહ્યું કે ''જો તેમના પ્લેયર્સ ભારતીય કેપ્ટન વિરાટ કોહલીને જેમ વિકેટોનો જશ્ન મનાવે તો તેને દુનિયાનો સૌથી ખરાબ વ્યકિત ગણાવી દીધા હોત.'' લેંગરે સચિન તેંડુલકરની ટિપ્પણી પર પણ નારાજગી પ્રગટ કરી. સચિને ટ્વિટ કર્યુ હતુ કે ''તેણે ઓસ્ટ્રેલિયન ટીમને ક્યારેય આટલી રક્ષાત્મક રીતે રમતાં નથી જોઇ.''