બીજી વનડેમાં AUSએ ટીમ ઇન્ડિયાને જીતવા માટે આપ્યો 299 રનનો ટાર્ગેટ

ઓસ્ટ્રેલિયાના  એડિલેડ ખાતે રમાઇ રહેલી 3 વનડે મેચની સીરિઝની બીજી મેચમાં ટીમ ઇન્ડિયાની વિરુદ્ઘમાં ઓસ્ટ્રેલિયાની ટીમે ટોસ જીતીને પહેલા બેટિંગ કરવાનો નિર્ણય કર્યો હતો. યજમાન ટીમે 50 ઓવરમાં 9 વિકેટ ગુમાવીને 299 કર્યા અને આ સાથે જ ટીમ ઇન્ડિયાને જીતવા માટે 299 રનનો ટાર્ગેટ આપ્યો હતો.
 

Innings Break!

Australia 298/9 in 50 overs.

Thoughts? https://t.co/YEn4BPRgQV #AUSvIND pic.twitter.com/BNUL9owzJg

— BCCI (@BCCI) 15 January 2019

ઓસ્ટ્રેલિયાની ટીમમાં કોઇ ફેરકાર કરવામાં આવ્યો નથી. તો ટીમ ઇન્ડિયામાં ફેરફાર કરતા ખલીલ અહમદની જગ્યાએ મોહમ્મદ સિરાઝે ટીમમાં લીધો છે. સિરાઝની આ પહેલી વનડે છે. સિડનીમાં પહેલી વનડે જીતીને ઓસ્ટ્રેલિયા ત્રણ મેચની સીરિઝમાં 1-0થી આગળ છે. સીરિઝમાં બની રહેવા ભારતે આ મેચ જીતવી જરૂરી છે. જો ટીમ ઈન્ડિયા હાર્યું તો ફાસ્ટ પીચવાળા દેશમાં સતત બીજી સીરિઝ હારશે. આ પહેલાં ટીમ ઇન્ડિયા ગત વર્ષે ઈંગ્લેન્ડ સામે 1-2થી સીરિઝ હાર્યું હતું.

ઓસ્ટ્રેલિયાની વિકેટ:

એરોન ફિંચ માત્ર 6 રને ભુવનેશ્વરની બોલિંગમાં બોલ્ડ થયો છે. એલેક્સ કેરી 18 રને મોહમ્મદ શમીની ઓવરમાં શિખર ધવનને કેચ આપી બેઠો હતો. ઉસ્માના ખ્વાજા 21 રને રનઆઉટ થયો હતો. પીટર હેન્ડકોમ્બ 20 રને રવિન્દ્ર જાડેજાની ઓવરમાં ધોનીના સ્ટમ્પ આઉટ થયો છે. માર્કસ સ્ટોઈનિસ 29 રને મોહમ્મદ શમીની ઓવરમાં ધોનીના હાથે કેચઆઉટ થયો. શોન માર્સ 131 રન ફટાકાર્યા હતા. માર્સ ભુવનેશ્વરની ઓવરમાં જાડેજાના હાથે કેચઆઉટ થયો. તો ગ્લેન મેક્સવેલ પણ 48 રને ભુવનેશ્વર કુમારનો શિકાર બન્યો હતો. ટીમ ઇન્ડિયા માટે ભુવનેશ્વર કુમારને 4 વિકેટ મોહમ્મદ શામીને 3 અને રવિન્દ્ર જાડેજાને 1 વિકેટ મળી. 

ટીમ ઇન્ડિયા: શિખર ધવન રોહિત શર્મા વિરાટ કોહલી (કેપ્ટન) અંબાતી રાયડૂ દિનેશ કાર્તિક મહેન્દ્રસિંહ ધોની (વિકેટકીપર) રવિન્દ્ર જાડેજા કુલદીપ યાદવ ભુવનેશ્વર કુમાર મોહમ્મદ શમી મોહમ્મદ સિરાઝ

ઓસ્ટ્રેલિયાઃ એરોન ફિંચ (કેપ્ટન) એલેક્સ કેરી (વિકેટકીપર) ઉસ્માન ખ્વાજા શોન માર્શ પીટર હેંડ્સકોમ્બ માકર્સ સ્ટોઈનિસ ગ્લેન મેક્સવેલ જે. રિચર્ડસન નાથન લિયોન પીટર સિડલ જેસન બેહરેનડોર્ફ