વિરાટથી નહી આ સ્ટાર બેટ્સમેનથી ડરે છે ઓસ્ટ્રેલિયન પ્લેયર

ભારત સામે ક્રિકેટ સીરિઝ પહેલા માઇંડ ગેમ રમવામાં માહેર ઑસ્ટ્રેલિયાના ખેલાડી ટીમ ઇન્ડિયાના એક બેટ્સમેનથી ભયભીત છે. કાંગારૂ ક્રિકેટર વિરાટ કોહલી નહી પરંતુ ટીમ ઇન્ડિયાના અન્ય એક સ્ટાર બેટ્સમેનથી ડરેલા છે. આ બેટ્સમેન બીજુ કોઇ નહી ટીમ ઇન્ડિયાના વન ડે અને T-20 વાઇસ કેપ્ટન રોહિત શર્મા છે.

21 નવેમ્બરે ટીમ ઇન્ડિયા અને ઑસ્ટ્રેલિયા વચ્ચે પહેલી T-20 મેચ રમાશે અને તેની પહેલા ઑસ્ટ્રેલિયાના વિસ્ફોટક બેટ્સમેન ગ્લેન મેક્સવેલે રોહિતના ભરપેટ વખાણ કર્યા છે. મેક્સવેલે જણાવ્યું કે રોહિત શર્મા કાબિલ-એ-તારીફ છે. રોહિત બોલને ખૂબ જ સરળતાથી રમે છે. અન્ય બેટ્સમેનની તુલનામાં તેની પાસે શૉટ રમવા માટે ઘણો સમય રહે છે અને તે બોલને સરળતાથી બાઉન્ડ્રીની બહાર પહોંચાડી દે છે. તે બેટિંગને ખૂબ જ સરળ બનાવી દે છે અને તેને રમતા જોવો ખૂબ જ શાનદાર લાગે છે.

મેક્સવેલે કહ્યું કે રોહિત શર્માના નામે ઘણી ડબલ સેન્ચુરી કરી છે અને વન ડે ક્રિકેટમાં તેમનો સૌથી શ્રેષ્ઠ સ્કોર 264 રન છે. તે ફાસ્ટ બોલીંગ અને સ્પિન બંને શાનદાર રીતે રમે છે. રોહિત શર્મા સ્ટાર છે.

મેક્સવેલે જણાવ્યું કે રોહિત જ્યારે રમે છે તો તેના ચહેરા પર પરેશાની દેખાતી નથી અને તે કોઇપણ બોલર સામે રમતી વખતે પરેશાન નથી લાગતા. રોહિત ઑસ્ટ્રેલિયામાં 27 વન ડે મેચમાં 51 95ની સરેરાશથી 1 143 રન બનાવ્યા છે. આ દરમિયાન રોહિતે 4 સેન્ચુરી અને 4 હાફ સેન્ચુરી ફટકારી છે. રોહિતની ઑસ્ટ્રેલિયામાં સૌથી મોટી ઇનિંગ અણનમ રહીને 171 રનની હતી.

ઉલ્લેખનીય છે કે ટીમ ઇન્ડિયા ઑસ્ટ્રેલિયાના પ્રવાસે પહોંચી ચુકી છે. 21 નવેમ્બરથી ટીમ ઇન્ડિયા  અને ઑસ્ટ્રેલિયા વચ્ચે 3 મેચોની T-20 સીરિઝ શરૂ થશે અને તે બાદથી 6 ડિસેમ્બરથી 4 મેચની ટેસ્ટ સીરિઝની શરૂઆત થશે.