ઓસ્ટ્રેલિયા સામેની પ્રથમ ટેસ્ટના બીજા દિવસે ઓસ્ટ્રેલિયાની પ્રથમ ઇનિંગ્સમાં ટીમ ઇન્ડિયાના બોલરોનું પ્રભુત્વ જોવા મળ્યું. એડિલેડ ખાતે રમાઇ રહેલી પ્રથમ ટેસ્ટના બીજા દિવસના અંતે ઓસ્ટ્રેલિયાએ 88 ઓવરમાં સાત વિકેટના નુકસાન પર 191 રન બનાવ્યાં છે. હેડ 61 અને સ્ટાર્ક 8 રન બનાવી અણનમ રહ્યાં છે.
આ અગાઉ બીજા દિવસના પ્રારંભમાં જ ભારત 250 રનમાં ઓલઆઉટ થઇ ગયું હતું. મેજબાન ટીમ હાલમાં ઇન્ડિયાના સ્કોર કરતાં 59 રન પાછળ છે અને ત્રણ વિકેટ હજી બાકી છે. ભારત તરફથી અશ્વિને સૌથી વધુ ત્રણ વિકેટ ઝડપી છે જ્યારે ઇશાંત શર્મા અને બુમરાહે બે-બે વિકેટ ઝડપી છે.
ઉલ્લેખનીય છે કે પ્રથમ દિવસના અંતે ભારતે 9 વિકેટના નુકસાન પર 250 રન બનાવ્યા હતા. ત્યારે બીજા દિવસના પ્રથમ બોલે જ હેઝલવુડે શમીને 6 રન પર આઉટ કરી દીધા ભારત ઓલ આઉટ થઇ ગઇ હતું.
ઓસ્ટ્રેલિયાની પ્રથમ ઇનિંગ્સની શરૂઆત સારી રહી નહોતી. ઇશાંત શર્માએ પ્રથમ ઓવરમાં જ ફિંચને 0 રનમાં બોલ્ડ કરી ભારતને સફળતા અપાવી હતી.
ઓસ્ટ્રેલિયાની શૂન્ય રન પર પહેલી વિકેટ પડી હતી. જ્યારે પોતાની પ્રથમ ટેસ્ટ મેચ રમી રહેલા હેરિસને અશ્વિને આઉટ કર્યો હતો. હેરિસે 26 રન બનાવ્યાં હતા.