આજથી અમદાવાદમાં ભારત અને ઈંગ્લેન્ડ વચ્ચે T20 સીરિઝ શરૂ થઈ રહી છે. ત્યારે ઈંગ્લેન્ડના 5 ખેલાડીઓ ટીમ ઈન્ડિયા માટે માથાનો દુઃખાવો બની શકે છે.
અમદાવાદમાં આજથી શરૂ થશે શરૂ
ઈંગ્લેન્ડના 5 ખેલાડીઓ ટીમ ઈન્ડિયા માટે માથાનો દુઃખાવો
નરેન્દ્ર મોદી સ્ટેડિયમમાં રમાશે મેચ
ભારતીય ટીમ ટેસ્ટ સીરીઝ જીત્યા બાદ આજથી ટી -20 સિરીઝમાં પોતાનું અભિયાન શરૂ કરશે. ઇંગ્લેન્ડની ટીમ ફરી એક વખત ભારત સામે છે. મેદાન પણ એ જ છે. અમદાવાદનું મોટેરા સ્ટેડિયમ (Narendra Modi Stadium). પરંતુ આ વખતે, બંને ટીમો ક્રિકેટના ઇન્સ્ટન્ટ ફોર્મેટમાં જીતવા માટે બનતા તમામ પ્રયત્ન કરશે.
ઇંગ્લેન્ડની ટીમ પણ મજબૂત
ભારતની જેમ ઇંગ્લેન્ડની ટીમ પણ આ ફોર્મેટમાં ઘણી મજબૂત છે. તેના 5-6 ખેલાડીઓ ખૂબ ખતરનાક છે અને મેચની બાજી પોતાના તરફ પલટી નાંખવામાં પૂરેપરાં સક્ષમ છે. ભારતે આ ખેલાડીઓ પ્રત્યે ખાસ કાળજી રાખવી પડશે. ભારત અને ઇંગ્લેન્ડ વચ્ચે 5 મેચની ટી 20 શ્રેણી છે. આ વર્ષે ભારતમાં યોજાનારા ટી -20 વર્લ્ડ કપની તૈયારી માટે પણ આ શ્રેણી ખૂબ જ મહત્વપૂર્ણ મનાય છે. ત્યારે આવો જાણીએ એ કયા પાંચ ખેલાડીઓ છે જે ભારતની જીત માટે મુશ્કેલીઓ પેદા કરી શકે તેમ છે.
1 - જોસ બટલર : IPLનો જોરદાર અનુભવ
જોસ બટલર વિકેટકીપર બેટ્સમેન છે. વિસ્ફોટક બેટિંગ કરે છે. ટોચના ક્રમમાં અને મધ્યમ ક્રમમાં રમી શકે છે. ઈંગ્લેંડ પછી તેણે ભારતમાં તેની કારકિર્દીની સૌથી વધુ મેચ રમી છે. IPLમાં રાજસ્થાન રોયલ્સની બેટિંગનો મજબૂત આધારસ્તંભ છે. તેનો આ અનુભવ ભારત સામેની ટી -20 શ્રેણીમાં પણ કામ આવી રહ્યો છે. ઓપનર જેસન રોય તેને વિશ્વની સૌથી ખતરનાક જોડી બનાવે છે.
2- બેન સ્ટોક્સ: વિશ્વનો શ્રેષ્ઠ ઓલરાઉન્ડર
આખું વિશ્વ જાણે છે કે બેન સ્ટોક્સ હાલમાં વિશ્વનો સર્વશ્રેષ્ઠ ઓલરાઉન્ડર છે. તેણે ICC World Cup વર્લ્ડ કપથી માંડી એશિઝ શ્રેણી સુધી ઇંગ્લેન્ડને જીતાડ્યું છે. જો કે એ હકીકત છે કે સ્ટોક્સ ભારત સામેની ટેસ્ટ સિરીઝમાં પોતાની છાપ છોડી શક્યો નથી. પરંતુ હવે ટી -20 અને ટેસ્ટ ફોર્મેટમાં જમીન-આસમાનનો તફાવત છે. આઈપીએલમાં 100 થી વધુ મેચ રમનાર બેન ટી 20 સીરીઝમાં ખતરનાક સાબિત થઈ શકે છે.
3- ડેવિડ મલાન : 19 મેચોમાં 50+ 10 વખત બનાવ્યા
33 વર્ષીય ડેવિડ મલાન વિશ્વના એવા કેટલાક ખેલાડીઓમાંથી એક છે જે ટી 20 આંતરરાષ્ટ્રીય મેચોમાં 50 થી વધુનો સ્કોર કરી રહ્યા છે. તેની પાસે પિચ પર ફાસ્ટ રમવાની અને તોફાની ઈનિંગ રમવામાં મહારત છે. મલાન માત્ર 19 ટી -20 મેચ રમ્યો છે અને 10 વખત 50 રનનો આંકડો પાર કરી ગયો છે. આમાં એક સદી પણ શામેલ છે.
4- મોઇન અલી : ભારતીય પીચો માટે જરૂરી ઓલરાઉન્ડર
ઓલરાઉન્ડર મોઈન અલી ઇંગ્લેન્ડને તે બેલેન્સ આપે છે જે ભારતીય પીચ પરની કોઈ પણ ટીમને જરૂરી છે. 33 વર્ષીય મોઇન તેની ટીમને સ્પિન બોલિંગથી બોલિંગમાં વધારાના વિકલ્પો આપે છે. આ સિવાય, તે લાંબા હેન્ડલનો ઉપયોગ કરી શકે છે. ઓપનિંગથી લઈને મિડલ ઓર્ડર અને લોઅર ઓર્ડર સુધી બેટિંગ કરી શકે છે. તેણે ત્રીજી ટેસ્ટ મેચમાં સતત ત્રણ છગ્ગા ફટકારીને પોતાની શક્તિ બતાવી દીધી છે.
5 - જોફ્રા આર્ચર : દરેક પિચ પર અસરકારક
25 વર્ષીય જોફ્રા આર્ચર એવા કેટલાક ક્રિકેટરોમાંથી એક છે કે જેની પાસે ઝડપી બોલિંગનું દરેક શસ્ત્ર છે. તે ઝડપી છે, તે સટિક છે. નવા બોલ પર જોફ્રા વધુ ખતરનાક બને છે. તેની ચોકસાઈને કારણે તેની બોલિંગ બેટિંગ પીચ પર પણ અસરકારક છે. તેનો બાઉન્સર કોઈ પણ દિગ્ગજ બેટ્સમેનનું માથુ ચકરાવવા માટે પૂરતો છે. તેની બેટિંગ પણ જોરદાર છે. તે નીચલા ક્રમે પણ ઝડપથી 25-30 બનાવવામાં સક્ષમ છે.