પાકિસ્તાનને આડે હાથ લેતા અમેરિકાએ એક વાર ફરી પાકિસ્તાનને ચેતવણી આપી છે. અમેરિકાએ આતંકવાદ સામેની ભારતની કાર્યવાહીની પણ પ્રશંસા કરી છે. અમેરિકાએ પાકિસ્તાનને ચેતવણી આપી કે, આતંકી સંગઠનો વિરૂદ્ધ તાત્કાલિક કાર્યવાહી કરવામાં આવે. અમે પણ આ મામલે ભારત સાથે છીએ.
કાઉન્ટર ટેરરીઝમ જોઈન્ટ ગ્રૂપની વોશિંગટનમાં યોજાયેલી એક બેઠકમાં અમેરિકાએ આ વાત કરી છે. આ બેઠકમાં ભારત અને અમેરિકાનું આ સંયુક્ત નિવેદન સામે આવ્યું હતું. અમેરિકાએ પાકિસ્તાન પર આતંકી સંગઠનો વિરૂદ્ધ કાર્યવાહી કરવા માટે દબાણ પણ ઉભુ કર્યુ છે.
ઉલ્લેખનીય છે, આતંકી મસૂદ અઝહરને વૈશ્વિક આતંકી જાહેર કરવામાં અને તેને બ્લેકલિસ્ટ કરવામાં ચીન અવરોધ બની રહ્યું છે. આમ અમેરિકા સહિત ફ્રાંસ અને જર્મન પણ હવે ખૂલીને ભારતના પક્ષમા આવ્યા છે અને મસૂદને વૈશ્વિક સ્તરે બ્લેકલિસ્ટ કરવાની માગ તેજ થઈ છે. જ્યારે બીજી તરફ, પાકિસ્તાન સતત એ વાતને નકારી રહ્યું છે કે, અહીં કોઈ પણ પ્રકારના ટેરર કેમ્પ કાર્યરત છે અને તેમની સરકાર આતંકવાદને આસરો આપી રહ્યો છે.
જો કે પાકિસ્તાન સતત ઇનકાર કરી રહ્યું છે કે તેમની જમીન પર કોઇપણ પ્રકારના ટેરર કેમ્પ અથવા તેમની સરકાર કોઇપણ પ્રકારના આતંકવાદને પનાહ આપતી નથી. પુલવામા આતંકી હુમલામાં સીઆરપીએફના 40 જવાન શહીદ થયા હતા. આ હુમલા પાછળ જૈશનો હાથ હોવાનું સામે આવ્યું હતું, જેનો પ્રમુખ મસૂદ અઝહર પાકિસ્તાનમાં છે. આતંકી સંગઠન વિરુધ્ધ ભારતે પાકિસ્તાન અધિકૃત કાશ્મીરમાં આવેલા આતંકવાદી કેમ્પ પર એર સ્ટ્રાઇક પર કરી હતી.