ઈલેક્શન 2022 / ... તો ગુજરાતનાં ઈતિહાસનો સૌથી મોટો રેકૉર્ડ તોડી દેશે ભાજપ, સર્વેના આંકડા ચોંકાવનારા

• ગુજરાતમાં મતદાન સંપન્ન, EXIT POLLના આંકડા આવ્યા સામે 
• તમામ સર્વેમાં ભારતીય જનતા પાર્ટીને જંગી લીડ 
• ભારતીય જનતા પાર્ટી ગુજરાતનો સૌથી મોટો રેકૉર્ડ તોડી શકે 

ગુજરાતમાં લોકશાહીનો પર્વ રંગે ચંગે ઉજવાઇ ગયો છે અને તમામ જિલ્લાઓમાં શાંતિપૂર્ણ માહોલમાં મતદાન થયું છે. આ વખતે ત્રણ પાર્ટીઓ દ્વારા ધૂમ પ્રચાર બાદ પણ ત્રિશંકુ લડાઈ દેખાઈ નથી રહી. તમામ એજન્સીઓના સર્વેમાં ગુજરાતમાં એક તરફી ચૂંટણી થઈ હોવાનું સામે     આવી રહ્યું છે અને ભારતીય જનતા પાર્ટીની ટક્કરમાં કોઈ પાર્ટી દેખાઈ રહી નથી. 

માધવસિંહ સોલંકીનો રેકૉર્ડ તૂટશે? 
ગુજરાતનાં ઈતિહાસમાં ભાજપ અને કોંગ્રેસ એમ બંને પાર્ટીએ મોટા ભાગે રાજ કર્યું છે પણ સૌથી મોટો રેકૉર્ડ કોંગ્રેસના પીઢ નેતા માધવસિંહ સોલંકીએ સર્જ્યો હતો. KHAM થીયરીના જનક કહેવાતા માધવસિંહ સોલંકીએ ગુજરાતમાં જાતીય સમીકરણ ગોઠવીને ગુજરાતમાં કોંગ્રેસ પાર્ટીને 149 બેઠકો અપાવી હતી. આ રેકૉર્ડ એટલો વિશાળ છે કે ભલભલા રાજનેતાઓના કાળમાં કોઈ રેકૉર્ડ તોડી શક્યું નથી, પણ આ વખતે ઈન્ડિયા ટુડેના સર્વેમાં બતાવી રહ્યા છે કે ભાજપનો જીતનો આંકડો 151 પણ જઈ શકે છે, જો આ આંકડો સાચો પડે તો 1960થી આજ સુધી ગુજરાતની સૌથી મોટી ભાજપ નોંધાવશે. 

ભૂપેન્દ્ર નરેન્દ્રના રેકૉર્ડ તોડશે 
નોંધનીય છે કે ગુજરાતની ચૂંટણી માટે પ્રધાનમંત્રી મોદીએ ધૂમ પ્રચાર કર્યો હતો, 38 જેટલી જનસભા અને તે બાદ ત્રણ મોટા રોડ શો કરવામાં આવ્યા. પીએમ મોદીએ પોતે જ પ્રચાર મામલે કહ્યું હતું, તેઑ આટલી મહેનત કરી રહ્યા છે કારણ કે તેમને આ વખતે રેકૉર્ડ તોડવો છે. પીએમ મોદીએ કહ્યું હતું કે ભૂપેન્દ્ર નરેન્દ્રના રેકૉર્ડ તોડે તે માટે કામ કરવું છે. જોકે એગઝીટ પોલના જે આંકડા સામે આવ્યા છે જો તે સાચા પડે તો ખરેખર પીએમ મોદીનું આ મિશન સફળ જશે.