U19 World Cup Final / ઈંગ્લેન્ડ સસ્તામાં ઓલઆઉટ, ભારતીય ટીમ ઇતિહાસ રચવાથી એકદમ નજીક, પાંચમી વખત જીતશે વર્લ્ડકપ

• U19 World Cup Final માં ભારતની મજબૂત શરૂઆત 
• ઈંગ્લેન્ડની ટીમ 189 રને ઓલઆઉટ 
• ભારત તરફથી રાજ બાવા અને રવિ કુમારે સારી બોલિંગ કરી હતી 

ભારતની બે વિકેટ પડી ગઈ 

ભારતની પ્રથમ વિકેટ ઇનિંગની પહેલી જ ઓવરમાં પડી ગઈ હતી. પહેલી ઓવરના બીજા જ બોલે ઓપનર અંગક્રિશ રઘુવંશી 0 પર આઉટ થયો હતો. જ્યારે બીજી વિકેટ હરનુર સિંઘ 21 રનના વ્યક્તિગત સ્કોર પર આઉટ થવા પર પડી હતી. 27 મિ ઓવરમાં ફાઈનલમાં ભારતની ત્રીજી વિકેટ પડી, વાઇસ કેપ્ટન શેખ રશીદ 50 રનના સ્કોર પર આઉટ થયો હતો. 27 ઓવર્સ બાદ ભારતનો સ્કોર ત્રણ વિકેટે 95 રન હતો. 

ઈંગ્લેન્ડનો દાવ 189 રને સમેટાયો
આ મેચમાં બોલિંગ કરવા ઉતરેલી ભારતીય ટીમે શાનદાર શરૂઆત કરી હતી. ટોસ હાર્યા બાદ બોલિંગ કરવા આવેલી ટીમ ઈન્ડિયાએ પ્રથમ 4 ઓવરમાં જ ઈંગ્લેન્ડને બે ઝટકા આપ્યા હતા. અને આ કામ બીજા કોઈએ નહીં પણ રવિ કુમારે કર્યું હતું, જેણે આખી ટૂર્નામેન્ટમાં ટીમ ઈન્ડિયા માટે શાનદાર પ્રદર્શન કર્યું છે. આ મેચમાં રવિએ 4 વિકેટ લીધી હતી. પરંતુ આજની મેચમાં રાજ બાવાએ રવિ કરતા વધુ પ્રભાવિત કર્યા હતા. જેણે આ મેચમાં 31 રન આપીને 5 વિકેટ લીધી હતી. ઈંગ્લેન્ડ તરફથી જેમ્સ રેવે સૌથી વધુ 95 રન બનાવ્યા હતા.

રાજ બાવા અને રવિકુમાર ઝળકયા 

આ મેચમાં રાજ બાવાએ બેસ્ટ બોલિંગ કરતાં પાંચ વિકેટ લીધી હતી અને રવિ કુમારે ચાર વીકેત ખેરવી હતી. 

9⃣.5⃣-1⃣-3⃣1⃣-5⃣ for Raj Bawa

9⃣-1⃣-3⃣4⃣-4⃣ for Ravi Kumar

How good were these two with the ball in the #U19CWC 2022 Final! 🔥 👏 #BoysInBlue #INDvENG

Scorecard ▶️ https://t.co/p6jf1AXpsy pic.twitter.com/jwNn5DFw4g

— BCCI (@BCCI) February 5, 2022

ભારતની સૌથી સફળ ટીમ
તમને જણાવી દઈએ કે અંડર 19 વર્લ્ડ કપના ઈતિહાસમાં ભારત સૌથી સફળ ટીમ રહી છે. ટીમ ઈન્ડિયાએ આ ટુર્નામેન્ટની ટ્રોફી સૌથી વધુ ચાર વખત જીતી છે. એટલું જ નહીં આ ટૂર્નામેન્ટમાં ટીમ ઈન્ડિયાની આ સતત ચોથી ફાઈનલ મેચ છે. હવે ટીમ ઈન્ડિયાની નજર રેકોર્ડ પાંચમું ટાઈટલ જીતવા પર હશે. બીજી તરફ ઈંગ્લેન્ડ 24 વર્ષ બાદ ફરી એકવાર આ ખિતાબ જીતવા ઈચ્છશે. ઈંગ્લેન્ડે સેમિફાઈનલમાં અફઘાનિસ્તાનને હરાવ્યું હતું. તે જ સમયે, ભારત ઓસ્ટ્રેલિયાને હરાવીને ફાઇનલમાં પહોંચ્યું હતું.

બંને ટીમોની પ્લેઇંગ ઇલેવન
ઈન્ડિયા અંડર-19 પ્લેઈંગ ઈલેવન: અંગક્રિશ રઘુવંશી, હરનૂર સિંહ, શેખ રશીદ, યશ ધૂલ (કેપ્ટન), નિશાંત સિંધુ, રાજવર્ધન હંગરગેકર, દિનેશ બાના (વિકેટ કીપર), કૌશલ તાંબે, રાજ બાવા, વિકી ઓસ્તવાલ, રવિ કુમાર.

ઈંગ્લેન્ડ અંડર-19 પ્લેઈંગ 11: જ્યોર્જ થોમસ, જેકબ બેથેલ, ટોમ પર્સ્ટ (કેપ્ટન), જેમ્સ રેવ, વિલિયમ લક્સટન, જ્યોર્જ બેલ, રેહાન અહેમદ, એલેક્સ હોર્ટન (વિકેટ કીપર), જેમ્સ સેલ્સ, થોમસ એસ્પિનવોલ, જોશુઆ બોયડેન.