દુબઈ / 'ભારત જીતશે ચેમ્પિયન્સ ટ્રોફી, આ દેશ સાથે ટકરાશે ફાઈનલમાં', દિગ્ગજ ક્રિકેટરની મોટી ભવિષ્યવાણી

ચેમ્પિયન્સ ટ્રોફી આડે બે દિવસ બાકી છે. ટીમ ઈન્ડિયા ચેમ્પિયન્સ ટ્રોફીની બધી મેચો રમવા દુબઈ પહોંચી છે જ્યારે બાકીની 7 ટીમો પાકિસ્તાન ગઈ છે. ભારતની પહેલી મેચ 20 ફેબ્રુઆરીએ બાંગ્લાદેશ સામે છે. ચેમ્પિયન્સ ટ્રોફીની ફાઈનલ કોની વચ્ચે રમાશે અને કોણ ટ્રોફી લઈ જશે તેને લઈને ઓસ્ટ્રેલિયાના પૂર્વ દિગ્ગજ ક્રિકેટર માઈકલ ક્લાર્કે મોટી ભવિષ્યવાણી કરી છે.

ભારત અને ઓસ્ટ્રેલિયા વચ્ચે ફાઈનલ

માઈકલ ક્લાર્કનું માનવું છે કે ફાઇનલ ભારત અને ઓસ્ટ્રેલિયા વચ્ચે થશે અને ભારતીય ટીમ ફાઇનલ મેચ જીતીને ટાઇટલ કબજે કરશે. માઈકલ ક્લાર્કે કહ્યું કે રોહિત શર્મા ફરી ફોર્મમાં આવ્યો છે અને તે સૌથી વધુ રન કરશે. રોહિત શર્મા ચેમ્પિયન્સ ટ્રોફીમાં ટોપ સ્કોરર બની રહેશે. રોહિત શર્માને ફરી રન બનાવતો જોઈને આનંદ થયો.

ઈંગ્લેન્ડનો જોફ્રા આર્ચર લેશે સૌથી વધુ વિકેટ

માઈકલ ક્લાર્કે એવી પણ આગાહી કરી છે કે ઈંગ્લેન્ડનો ફાસ્ટ બોલર જોફ્રા આર્ચર ચેમ્પિયન્સ ટ્રોફીમાં સૌથી વધુ વિકેટ લેશે.

ભારતની જીતના આ રહ્યાં કારણો

19 ફેબ્રુઆરીથી શરુ થઈ રહેલી ચેમ્પિયન્સ ટ્રોફીની જીતને લઈને એક મોટી ભવિષ્યવાણી સામે આવી છે. રિપોર્ટમાં દાવો કરાયો છે કે ભારત આ વખતની ટ્રોફી જીતે તેવી પ્રબળ સંભાવના છે. કારણ કે ભારત ચેમ્પિયન્સ ટ્રોફીની તમામ મેચો પાકિસ્તાનમાં નહીં પરંતુ દુબઈમાં રમવાનું છે અને દુબઈ ઈન્ટરનેશનલ સ્ટેડિયમ ભારત માટે ખૂબ અનૂકુળ રહ્યું છે. તે ઉપરાંત ગ્રુપ એમાં ભારતની સાથે બાંગ્લાદેશ, પાકિસ્તાન અને ન્યુઝીલેન્ડ છે જે બધા પર જીતનો ભારતનો રેકોર્ડ છે એટલે દેશોને કચડીને ભારત સેમી અને ફાઈનલમાં પહોંચી શકે છે.

2013માં ભારતે જીતી હતી ચેમ્પિયન્સ ટ્રોફી

છેલ્લે 2013માં ભારતે ચેમ્પિયન્સ ટ્રોફી જીતી હતી. 23 જુન 2013ના દિવસે ઈંગ્લેન્ડ અને ભારત વચ્ચે ચેમ્પિયન્સ ટ્રોફીની ફાઈનલ રમાઈ હતી જેને ભારતે જીતી લીધી હતી ત્યાર પછી ભારત આ ટ્રોફી જીતી શક્યું નથી.

19 ફેબ્રુઆરીથી ચેમ્પિયન્સ ટ્રોફી

મિનિ વર્લ્ડ કપ તરીકે ઓળખાતી ચેમ્પિયન્સ ટ્રોફીનો પ્રારંભ 19 ફેબ્રુઆરીથી પાકિસ્તાન અને યુએઈમાં રમાશે. ભારતની તેની તમામ મેચ દુબઈમાં રમશે. ચેમ્પિયન્સ ટ્રોફીમાં ભારત બાંગ્લાદેશ સામે 20 ફેબ્રુઆરીએ પહેલી મેચ રમશે.