પાકિસ્તાનની ખોખલી ધમકી એકને બદલે ભારત પર કરીશું 10 સર્જિકલ સ્ટ્રાઇક

દિલ્હી: પાકિસ્તાનની સેનાના પ્રવક્તાએ ફરી એક વાર ભારત વિરૂદ્ધ ઝેર ઓક્યું હતું. I.S.P.R.ના ડિરેક્ટર જનરલ આસિફ ગફૂરે કહ્યું કે ભારત એક સર્જીકલ સ્ટ્રાઈક કરશે તો અમે 10 સર્જિકલ સ્ટ્રાઈક કરીશું. આમ પાકિસ્તાને ફરી એકવાર ભારતને ખોખલી ધમકી આપી છે.

પાકિસ્તાને શાબ્દિક બાણ ચલાવતા કહ્યું કે જો ભારત પાકિસ્તાન પર એક પણ સર્જીકલ સ્ટ્રાઈક કરશે તો અમે એના બદલામાં 10 સર્જીકલ સ્ટ્રાઈક કરીશું. પાકિસ્તાન સેનાના પ્રવક્તા મેજર જનરલ આસિફ ગફૂરે લંડનમાં ભારત વિરૂદ્ધ આ ઝેર ઓક્યું. તેઓ પાકિસ્તાન સેનાના પ્રમુખ જનરલ કમર જાવેદ બાજવા સાથે હાલ વિદેશ યાત્રા પર છે.
 

#London: India to face 10 surgical strikes in response if conducts one inside #Pakistan: DG ISPR Major General Asif Ghafoor talks to media in London https://t.co/vjCsYd53xI pic.twitter.com/zGqLGlH3LO

— Radio Pakistan (@RadioPakistan) October 13 2018

પાકિસ્તાન રેડિયો સાથે વાત કરતા ગફુરે જણાવ્યું કે ભારત જો પાકિસ્તાનની અંદર એક સર્જીકલ સ્ટ્રાઇક કરવાની વિચારસરણી ધરાવે છે તો જવાબમાં તેણે 10 સર્જીકલ સ્ટ્રાઇક હુમલાનો સામનો કરવો પડશે.

આ સાથે જ પાકિસ્તાની સેનાના પ્રવક્તા ગફુરે વધુમાં જણાવ્યું કે જે લોકો અમારી વિરૂધ્ધ કોઇપણ પ્રકારની કાર્યવાહી કરવાનું વિચારે છે તેમને પાકિસ્તાનની ક્ષમતાઓ પર કોઇ સંદેહ ના રાખવો જોઇએ.