G-20 સમિટ / PM મોદી સાથેની મુલાકાત પહેલા ટ્રમ્પે ઉઠાવ્યો ટેરિફનો મુદ્દો, કહ્યું- આ મંજૂર નથી

ભારત જે રીતે ટેરિફમાં વધારો કરી રહ્યું છે તે અમેરિકાના અસ્વીકાર્ય છે. અમેરિકાના રાષ્ટ્રપતિ ડોનાલ્ડ ટ્રમ્પે ટવિટરના માધ્યમથી જણાવ્યું છે કે PM મોદી સાથે હું વાત કરવા ઉત્સુક છું. ભારત અમેરિકા પાર ઘણુ વધારે ટેરિફ લગાવી રહ્યું છે. જ્યારે હાલમાં જ ટેરિફમાં વધુ વૃધ્ધિ કરવામાં આવી છે. અમેરિકાને આ અસ્વીકાર્ય છે અને ભારતે આ ટેરિફને તત્કાલ પરત લઇ લેવું જોઇએ.

 

ઉલ્લેખનીય છે કે અમેરિકા અને  ભારત વચ્ચે છેલ્લા એક વર્ષથી ટેરિપને લઇને તણાવ ચાલી રહ્યો છે. પહેલા અમેરિકાએ કેટલીક ભારતીય પ્રોડકટ પર ટેરિફ વધાર્યો હતો. જેને લઇને ભારતે પોતાના તરફથી ટેરિફમાં વધારો કર્યો હતો. જેમાં પ્રસિધ્ધ હાર્લે ડેવિડસન બાઇક કંપની પર પણ ટેરિફ સામેલ હતો.
 

I look forward to speaking with Prime Minister Modi about the fact that India, for years having put very high Tariffs against the United States, just recently increased the Tariffs even further. This is unacceptable and the Tariffs must be withdrawn!

— Donald J. Trump (@realDonaldTrump) June 27, 2019

આ અગાઉ અમેરિકાના રાષ્ટ્રપતિ ડોનાલ્ડ ટ્રમ્પે ઘણા અવસર પર ભારતના ટેરિફની ટીકા કરી છે. હવે જ્યારે ફરી ભારત સાથે દ્વિપક્ષીય બેઠક યોજાવાની છે ત્યારે ફરી ટેરિફ મુદ્દાને લઇને રાજકારણ ગરમાયું છે. જાપાનમાં યોજાનારા G-20 શિખર સંમેલનમાં અમેરિકાના રાષ્ટ્રપતિ ડોનાલ્ડ ટ્રમ્પ અને વડાપ્રધાન નરેન્દ્ર મોદી વચ્ચે શુક્રવારના રોજ બેઠક યોજાશે. 

પીએમ મોદી અને ડોનાલ્ડ ટ્રમ્પ વચ્ચે આ મુલાકાત એવા સમયે થઇ રહી છે જ્યારે અમેરિકાના વિદેશ મંત્રી માઇક પોમ્પિયો ભારતની મુલાકાતે હતા. માઇક પોમ્પિયોએ દિલ્લીમાં વડાપ્રધાન નરેન્દ્ર મોદી, વિદેશ મંત્રી એસ. જયશંકર અને રાષ્ટ્રીય સુરક્ષા સલાહકાર અજીત ડોભાલ સાથે વાત કરી હતી.