સિદ્ધિ / પાડોશી દેશોના હાંજા ગગડાવી મૂકશે ભારતનું આ નવું હથિયાર, હવામાં જ તોડી પાડશે દુશ્મન દેશના શસ્ત્રો

• ભારતમાં બની ઘાતક મિસાઇલ 
• આકાશનું બીજું સફળ પરીક્ષણ 
• જાણો કેવી છે મિસાઇલ 

ભારત દિવસે દિવસે સંરક્ષણ ક્ષેત્રમાં પણ આત્મનિર્ભર થવાની દિશામાં અગ્રેસર થઈ રહ્યું છે. આ અનુસંધાને ડિફેન્સ રિસર્ચ એન્ડ ડેવલપમેન્ટ ઓર્ગેનાઇઝેશન દ્વારા આકાશ-એનજી (Akash-NG) નામની મિસાઈલનું સફળ પરિક્ષણ કરવામાં આવ્યું હતું. બાલાસોરનાં ઓડિશા કિનારે આજે બપોરે 11:45 વાગે થયેલ બીજા પરીક્ષણમાં પણ આકાશ સફળ થયું હતું જે ભારતીયો માટે ગર્વ અને આનંદની વાત છે. 

કેવી છે ન્યૂ જનરેશન મિસાઇલ આકાશ?
ન્યુ જનરેશન આકાશ મિસાઇલ 60 કિલોમીટર સુધીના વિસ્તારમાં રહેલ ટાર્ગેટ પર નિશાન સાધી શકે છે. આ એક સરફેસ ટુ એર મિસાઇલ છે કે જે હવામાં જ દુશ્મનને ઉડાવી શકે છે. જે ભારતીય વાયુસેના માટે મહત્વનો ભાગ ભજવી શકે છે. 

આ મિસાઇલ બનાવવાની પરવાનગી 2016 માં મળી હતી. આ મિસાઇલમાં ડ્યુઅલ પલ્સ સોલીડ રોકેટ મોટર છે જે ગતિ ખૂબ વધારી આપે છે. તેની રેન્જ 40 થી 80 કિલોમીટર છે અને તેમાં એક્ટિવ ઇલેક્ટ્રોનિકલી સ્કેન્ડ એર મળતી ફંક્શન રડાર લાગેલું છે જે એકસાથે અનેક દુશ્મન મિસાઇલ અથવા વિમાન સ્કેન કરી શકે છે. તેનું વજન 720 કિલોગ્રામ છે અને લંબાઈ 19 ફૂટ તથા વ્યાસ 1.16 ફૂટ છે. તે પોતાની સાથે 60 કિલોગ્રામ વજનના હથિયાર લઈ જઈ શકે છે. 

હાલમાં ભારતમાં આકાશના ત્રણ વેરિયન્ટ છે. એક આકાશ એમ કે- જેની રેન્જ 30 કિલોમીટર છે. બીજી આકાશ એમ કે-2. જેની રેન્જ 40 કિલોમીટર છે. તો આ ઉપરાંત આકાશ એમ કે-3 ની રેન્જ 80 કિલોમીટર છે. 

New Generation Akash (Akash-NG) missile has been successfully flight tested today at 1145 hrs from Integrated Test Range, Chandipur off the coast of Odisha. The test was carried out against a high-speed unmanned aerial target which was successfully intercepted by the missile. pic.twitter.com/VAOkoYtIyT

— DRDO (@DRDO_India) July 23, 2021

બીજું સફળ પરીક્ષણ 

25 જાન્યુઆરીએ DRDO દ્વારા આ મિસાઈલનું ઓડિશાનાં ચંદિપુર કિનારે ઇન્ટિગ્રેટેડ ટેસ્ટ રેન્જનું મોબાઈલ પ્લેટફોર્મથી લોન્ચિંગ કર્યું હતુ. તેના દ્વારા એક ઇલેક્ટ્રોનિક ટાર્ગેટ ને એકદમ સચોટ રીતે તોડી પાડવામાં આવ્યું હતું અને હવે બીજા પરીક્ષણમાં પણ આ મિસાઇલ સફળ થઈ છે.

ન્યુ જનરેશન આકાશ મિસાઇલ 20 કિલોમિટર ઊંચાઈ સુધી જઈને વિમાન અથવા મિસાઈલને તોડી શકે છે. અને સૌથી વધારે ખતરનાક છે તેની ગતિ. જે 3.5 મેક એટલે કે 4321 કિલોમીટર પ્રતિ કલાક એટલે કે એક જ સેકંડમાં 1.25  કિલોમીટર દૂર જઈ શકે છે.