NRI ન્યૂઝ / ભારતીયોને વીઝા આપવા મુદ્દે કેનેડાને ભારતનો કડક સંદેશ, પારદર્શિતા લાવવા કરી અપીલ, જાણો વિગત

Canada India News : આપણાં દેશમાંથી કેનેડા જવાનો ક્રેઝ ઘણો છે. જોકે હવે કેનેડાએ વિઝાને લઈ કરેલ એક કવાયતને લઈ ચર્ચાઓને દોર શરૂ થયો છે. આ તરફ ભારતીયોને વિઝા આપવામાં ભેદભાવ કરવા બદલ ભારતે કેનેડાની ટ્રુડો સરકારની ટીકા કરી છે. ભારતે કેનેડાને ભારતીયોની પ્રાથમિકતા અને અર્થતંત્રમાં તેમના યોગદાનને ધ્યાનમાં રાખીને વિઝા પ્રક્રિયામાં પારદર્શિતા અને ઝડપ લાવવા જણાવ્યું છે. વર્લ્ડ ટ્રેડ ઓર્ગેનાઈઝેશન (WTO) ખાતે કેનેડાની 12મી વેપાર નીતિ સમીક્ષા ચર્ચા દરમિયાન ભારતે આ મુદ્દો ઉઠાવ્યો હતો. ખાલિસ્તાની અલગતાવાદીઓના મુદ્દે ભારત સાથેના તણાવ વચ્ચે કેનેડાની જસ્ટિસ ટ્રુડો સરકાર ભારતીયોને વિઝા આપવામાં આનાકાની કરી રહી છે. ભારતમાંથી ભણવા જતા યુવાનોને આની સૌથી વધુ અસર થઈ રહી છે.

કેનેડા ભારતીયો માટે મનપસંદ સ્થળ

WTO ખાતે સમીક્ષા ચર્ચા દરમિયાન ભારતે કહ્યું કે, ભારતીય વિદ્યાર્થીઓ માટે ઉચ્ચ શિક્ષણ માટે કેનેડા સૌથી વધુ પસંદગીના સ્થળોમાંનું એક છે. આ સંદર્ભમાં અને આપણા અર્થતંત્રમાં ભારતીય વિદ્યાર્થીઓના યોગદાનને ધ્યાનમાં રાખીને અમે કેનેડાને ભારતીય વિદ્યાર્થીઓની વિઝા પ્રક્રિયામાં અનુમાનિતતા, પારદર્શિતા અને યોગ્યતા લાવવા અપીલ કરીએ છીએ.

ભારતે કેનેડામાં ભારતીયોને મળતી ધમકીઓનો મુદ્દો પણ ઉઠાવ્યો હતો. તેમાં કહેવામાં આવ્યું છે કે, કેનેડામાં અભ્યાસ કરતા ભારતીય વિદ્યાર્થીઓના મુદ્દાઓ પર પણ યોગ્ય રીતે ધ્યાન આપવું જોઈએ, જેમાં રહેઠાણ, ગુંડાગીરીની ઘટનાઓ અને સુરક્ષા વગેરેનો સમાવેશ થાય છે.

વધુ વાંચો : ઘર પર ગણેશજી કર્યા છે વિરાજમાન? તો ભૂલથી પણ આ ચીજવસ્તુઓ લઇને ના આવતા

ભારતે પણ આ બાબતો પર ચિંતા વ્યક્ત કરી

ભારતના પ્રવાસન આંકડાકીય અહેવાલ 2022 ના ઉપલબ્ધ અંદાજો અનુસાર કેનેડા 18 લાખ વિદ્યાર્થીઓ સાથે વિદેશમાં અભ્યાસ કરવા માટે ભારતીયો માટે બીજું સૌથી વધુ પસંદગીનું સ્થળ હતું. WTO ખાતે ભારતે કાપડ, કપડાં, ઝવેરાત અને રત્નો તેમજ ચામડા અને ફૂટવેર પર કેનેડા દ્વારા લાદવામાં આવેલી ઊંચી ફરજો અંગે પણ ખાસ ચિંતા વ્યક્ત કરી હતી. તેમાં કહેવામાં આવ્યું છે કે, આ ક્ષેત્રોમાં કેનેડા મુખ્યત્વે આયાત પર નિર્ભર છે અને વિકાસશીલ દેશો મુખ્યત્વે કેનેડામાં આ માલની નિકાસ કરે છે. અમે કેનેડાને આ ક્ષેત્રો પરના ટેરિફ દર ઘટાડવા માટે હાકલ કરીએ છીએ જે વેપારમાં અવરોધો ઘટાડશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ