સ્થિતિ ખરાબ / સ્ટાર્ટઅપ જગતમાં દેશનાં 12 હજાર લોકોએ ગુમાવી નોકરી, એડ ટેક કંપનીઓએ તો કરી બમ્પર છટણી

• દેશમાં આ વર્ષે સ્ટાર્ટઅપની સ્થિતિ ખરાબ
• આ ક્ષેત્રમાંથી 12,000 લોકો બેરોજગાર થયા
• આખી દુનિયામાં 22,000 કર્મચારીઓ બેરોજગાર થયા

આખી દુનિયામાં 22,000 કર્મચારીઓ બેરોજગાર

દેશમાં આ વર્ષે સ્ટાર્ટઅપની સ્થિતિ ખરાબ છે. આ ક્ષેત્રમાંથી 12,000 લોકો બેરોજગાર થયા છે. જો કે, આ માત્ર ભારતનો જ મામલો નથી. પરંતુ આખી દુનિયામાં 22,000 કર્મચારીઓ બેરોજગાર થયા છે. જેમાંથી 60 ટકાથી વધુ ભારતના છે. ખરેખર ફન્ડિંગની કમી અને વેપારમાં નફો ના થવાને કારણે સ્ટાર્ટઅપની સ્થિતિ ખરાબ છે. આ જ કારણ છે કે ખર્ચ ઘટાડવા માટે કર્મચારીઓને છૂટા કરાઈ રહ્યાં છે. એવુ અનુમાન છે કે આ વર્ષના અંત સુધી એડટેક અને સ્ટાર્ટઅપમાં 60,000 લોકોની નોકરી જઇ શકે છે. 

બાયજૂ, અનએકેડમી, વેદાંતુ સૌથી વધુ પ્રભાવિત

સૌથી વધુ પ્રભાવિત થતી કંપનીઓમાં એડટેક ક્ષેત્ર છે. જેમાં બાયજૂ, અનએકેડમી, વેદાંતુ, કાર્સ 24, એમપીએલ,લિડો લર્નિગ, ટ્રેલ, ફારઆઈ અને અન્ય છે. વિશ્લેષકોનુ કહેવુ છે કે આ વર્ષના અંત સુધી ખર્ચને ઘટાડવા માટે 50,000 વધુ લોકોને નોકરીમાંથી નિકાળી શકાય છે. એટલું જ નહીં, ઘણા બધા યુનિકોર્ન જેવા ઓલા વગેરે પણ આ પ્રકારનુ કામ કરી રહ્યાં છે.

કોરોનાથી થયો હતો ફાયદો 

જો કે, કોરોના બાદ સ્ટાર્ટઅપ સેકટરમાં ઝડપથી ગતિવિધિઓ શરૂ થઇ અને તેને કારણે નવા સ્ટાર્ટઅપની સંખ્યા પણ વધી ગઇ છે. એક રિપોર્ટ મુજબ અત્યારે આ ક્ષેત્રની કંપનીઓ માટે રૂપિયા ભેગા કરવા ખૂબ મુશ્કેલ કામ છે. આ જ કારણ છે કે વૈશ્વિક સ્તરની નેટફ્લિક્સ જેવી કંપનીઓ પણ કર્મચારીઓને નિકાળી રહી છે.