ના હોય! / 5Gના ટ્રાયલ વચ્ચે ભારતમાં 6G ઈન્ટરનેટ માટે કરાયું આ મોટું કામ, જાણો કયા વર્ષમાં થશે લૉન્ચ

• 6G લોન્ચની તૈયારી શરૂ 
• વર્ષ 2028-2030 સુધી લોન્ચ થવાની આશા 
• મળશે 5Gથી 50 ટકા વધારે ઈન્ટરનેટ 

હાલ ભારતમાં ટેલિકોમ કંપનીઓ 5Gનું ટ્રાયલ કરી રહી છે. એવી આશા રાખવામાં આવી રહી છે કે આવતા વર્ષ સુધી ભારતમાં 5G સર્વિસ શરૂ થઈ જશે. ત્યાં ભારતમાં 5G સર્વિસના કમર્શિયલી રોલ આઉટ પહેલા જ 6Gને લઈને ખબરો સામે આવી રહી છે. એવુ કહેવામાં આવી રહ્યું છે કે ભારતમાં 6Gને લઈને તૈયારીઓ શરૂ થઈ ગઈ છે. ખબરો અનુસાર, 6Gમાં 5Gથી 50 ગણું વધારે ઝડપી ઈન્ટરનેટ ચાલશે. 

ભારતમાં 6G નેટવર્કને લઈને તૈયારીઓ શરૂ 
હકીકતે અમુક રિપોર્ટ સામે આવી છે જેમાં દાવો કરવામાં આવી રહ્યો છે કે ભારતમાં સરકારે 6G નેટવર્કની તૈયારી શરૂ કરી દીધી છે. કહેવામાં આવી રહ્યું છે કે તેની જવાબદારી ટેલિકોમ વિભાગે સરકારી ટેલિકોમ રિસર્ચ કંપની C-DoTને સોંપી છે. એવું કહેવામાં આવી રહ્યું છે કે તેને લઈને સરકારે  C-DoTને 6G નેટવર્ક સાથે જોડાયેલી તમામ ટેકનિકલ સંભાવનાઓને તલાશવા માટે આદેશ આપ્યા છે. 

જેથી સમય પર કરી શકશો 6G સર્વિસને રોલ આઉટ 
C-DoTથી દુરસંચાર વિભાગના સેક્રેટરીના રાજારમને કહ્યું છે કે 6G સાથે જોડાયેલી ટેક્નિકલ સંભાવનાઓ પર વિચાર કરવાનું શરૂ કરી દેવામાં આવશે. જેથી દુનિયાભરના માર્કેટમાં 6Gને લોન્ચ થવાની સાથે સાથે ભારતમાં પણ આ સમયે રોલ આઉટ કરવામાં આવી શકે. 

ભારતમાં ચેલી રહ્યું છે 5Gનું ટ્રાયલ 
જણાવી દઈએ કે ભારતમાં હાલ 5Gનું ટ્રાયલ ચાલી રહ્યું છે. જેથી વર્ષ 2019માં જ દક્ષિણ કોરિયા, ચીન અને અમેરિકી બજારમાં 5G નેટવર્કની કમર્શિયલ રીતે લોન્ચિંગ થઈ ચુકી છે. 

6G નેટવર્ક પર આ કંપનીઓ કરી શકે છે કામ 
ઘણી એવી દિગ્ગજ કંપનીઓ છે જે હાલમાં 6G નેટવર્ક પર કામ કરી રહી છે. તેમાં Samsung, LG, Huawei જેવી દિગ્ગજ કંપનીઓના નામ શામેલ છે. તેમણે 6G નેટવર્કને લઈને કામ શરૂ કરૂ દીધું છે. એવું કહેવામાં આવી રહ્યું છે કે 5G નેટવર્ક અનુસાર તમને 6G નેટવર્કમાં 50 ટકા તેજ ઈન્ટરનેટ સર્વિસની સુવિધા મળશે. અનુમાન લગાવવામાં આવી રહ્યું છે કે ગ્લોબલી વર્ષ 2028-2030 સુધી 6G નેટવર્ક પણ રોલ આઉટ કરવામાં આવી શકે છે.  આજ કારણ છે કે ભારતે હજુ પણ આવા 6G નેટવર્કને લઈને તૈયારીઓ શરૂ કરી દીધી છે. જેથી ભારતમાં સમય પર 6G નેટવર્કને રોલ આઉટ કરવામાં આવી શકે.  

5G નેટવર્કમાં મળશે કેટલી સ્પીડ? 
5G નેટવર્કની વાત કરવામાં આવે તો તેમાં વધુમાં વધુ 20Gbps સુધી ડેટા ડાઉનલોડિંગ સ્પીડ આપવામાં આવી શકે છે. ત્યાં જ ભારતમાં 5G નેટવર્કની ટેસ્ટિંગ વખતે ડેટા ડાઉનલોડની વધુમાં વધુ સ્પીડ 3.7Gbps સુધી પહોંચે છે. જણાવી દઈએ કે Airtel, Vi અને Jio કંપનીઓ 5G નેટવર્કના ટ્રાયલમાં 3Gbps સુધીના ડેટા ડાઉનલોડની સ્પીડ ટેસ્ટ કરી ચુક્યા છે. 

6Gમાં 1000Gbps સુધી પહોંચી શકે છે સ્પીડ 
ત્યાં જ એવી આશા રાખવામાં આવી રહી છે કે આ સ્પીડ 6G નેટવર્કમાં 1000Gbps સુધી પહોંચી શકે છે. એવું મીડિયા રિપોર્ટ્સમાં સામે આવ્યું છે કે એલજીએ 6G નેટવર્કના ટ્રાયલ પણ શરૂ કરી દીધા છે. ખબરો અનુસાર ગયા દિવસોમાં જર્મનીના બર્લિનમાં કંપનીએ 6G નેટવર્કનું ટ્રાયલ શરૂ કર્યું હતું. જાણકારી અનુસાર, આ ટેસ્ટિંગ વખતે 100 મીટરની દૂરી પર ડેટાને સેન્ડ અને રિસીવ કરવામાં આવ્યા હતા. આ ટેસ્ટિંગને સફળ પણ માનવામાં આવ્યું હતું.