ક્રિકેટ / બાંગ્લાદેશ પ્રવાસ માટે ટીમ ઈન્ડીયામાં મોટો ફેરફાર, બે ખેલાડીઓને આરામ અપાયો, બે નવા લેવાયા

• બાંગ્લાદેશ પ્રવાસ માટે ટીમ ઈન્ડીયામાં બે મોટા ફેરફાર
• રવિન્દ્ર જાડેજા અને યશ દયાળને આરામ આપ્યો
• ઈજાને કારણે બન્ને ખેલાડીઓને ટીમમાં ન લેવાયા 
• કુલદીપ સેન અને ઓલરાઉન્ડર શાહબાઝ અહમદને સમાવાયા 

25 નવેમ્બરથી ભારત અને બાંગ્લાદેશ વચ્ચે વનડે સિરિઝ શરુ થઈ રહી છે તે પહેલા બીસીસીઆઈએ ટીમમાં એક મોટો ફેરફાર કરતા બે ખેલાડીઓને ઈજાને કારણે આરામ આપ્યો છે અને તેને બદલે બીજા ખેલાડીઓને ટૂંક સમયમાં ટીમમાં સામેલ કરી દેવામાં આવશે. બીસીસીઆઈએ સોશિયલ મીડિયા પર મૂકેલી પોસ્ટમાં જણાવ્યું કે ફાસ્ટ બોલર યશ દયાલ અને સ્ટાર ઓલરાઉન્ડર રવિન્દ્ર જાડેજાને ઈજાને કારણે બાંગ્લાદેશ પ્રવાસમાંથી આરામ અપાયો છે. 

Update: Team India (Senior Men) and India A squad for Bangladesh tour announced.

Mored details here - https://t.co/VnBdNf60mN #TeamIndia

— BCCI (@BCCI) November 23, 2022

કુલદીપ સેન અને ઓલરાઉન્ડર શાહબાઝ અહમદને સમાવાયા 
બીસીસીઆઇએ યશ દયાળ અને રવિન્દ્ર જાડેજાના સ્થાને ફાસ્ટ બોલર કુલદીપ સેન અને ઓલરાઉન્ડર શાહબાઝ અહમદને  સામેલ કર્યા છે. 

દયાળ અને જાડેજાનું શું ઈજા છે 
બીસીસીઆઈએ કહ્યું છે કે યશ દયાળને પીઠના નીચેના ભાગમાં સમસ્યા છે. જ્યારે જાડેજા હજુ ઘૂંટણની ઈજામાંથી સંપૂર્ણપણે સાજો થઈ શક્યો નથી. આ જ કારણ છે કે બંનેને બાંગ્લાદેશ પ્રવાસમાંથી બહાર કરવામાં આવ્યા છે. 

શાહબાઝ-કુલદીપને ન્યૂઝીલેન્ડ શ્રેણીમાંથી બહાર કરવામાં આવ્યા

કુલદીપ સેન અને શાહબાઝ અહમદની પસંદગી ન્યૂઝીલેન્ડ સામેની વન-ડે શ્રેણી માટે કરવામાં આવી હતી. પરંતુ હવે બંનેને શ્રેણીમાંથી દૂર કરવામાં આવ્યા છે, કારણ કે તેઓ બાંગ્લાદેશના પ્રવાસે જવાના છે. ન્યુઝીલેન્ડની શ્રેણી માટે કુલદીપ અને શાહબાઝનું કોઈ રિપ્લેસમેન્ટ આપવામાં આવ્યું નથી. ટીમ ઈન્ડિયાને શિખર ધવનની કેપ્ટન્સીમાં ન્યૂઝીલેન્ડ સામે ત્રણ વન ડેની શ્રેણી રમવાની છે. પહેલી મેચ 25 નવેમ્બરે રમાશે.

ન્યુઝીલેન્ડની વન-ડે શ્રેણી માટે ભારતની ટીમ

શિખર ધવન (કેપ્ટન), શુભમન ગિલ, દીપક હૂડા, સૂર્યકુમાર યાદવ, શ્રેયસ અય્યર, રિષભ પંત (વાઇસ કેપ્ટન અને વિકેટ કીપર), સંજુ સેમસન (વિકેટ કીપર), વોશિંગ્ટન સુંદર, શાર્દુલ ઠાકુર, યુઝવેન્દ્ર ચહલ, કુલદીપ યાદવ, અર્શદીપ સિંહ, દીપક ચહર, ઉમરાન મલિક.

બાંગ્લાદેશની વન-ડે શ્રેણી માટે ભારતની ટીમ

રોહિત શર્મા (કેપ્ટન), કેએલ રાહુલ (વાઇસ કેપ્ટન), શિખર ધવન, વિરાટ કોહલી, રજત પાટીદાર, શ્રેયસ અય્યર, રાહુલ ત્રિપાઠી, ઋષભ પંત (વિકેટ કીપર), ઇશાન કિશન (વિકેટ કીપર), શાહબાઝ અહમદ, અક્સર પટેલ, વોશિંગ્ટન સુંદર, શાર્દુલ ઠાકુર, મોહમ્મદ શમી, મોહમ્મદ સિરાજ, દીપક ચહર, કુલદીપ સેન.

ભારતનો બાંગ્લાદેશ પ્રવાસ-

• 4 ડિસેમ્બર, પ્રથમ વન-ડે (ઢાકા) બપોરે 12.30 •
7 ડિસેમ્બર, બીજી વન-ડે (ઢાકા) બપોરે 12.30 •
10 ડિસેમ્બર, ત્રીજી વન-ડે (ઢાકા) બપોરે 12.30 વાગ્યે
• 14-18 ડિસેમ્બર, પ્રથમ ટેસ્ટ (ચિત્તાગોંગ)
• ડિસેમ્બર 22-26, બીજી ટેસ્ટ (ઢાકા)