અન્ય દેશોના વધુ સારા પ્રદર્શનને કારણે ભારત આ વર્ષના એક વાર્ષિક વૈશ્વિક પ્રતિસ્પર્ધાત્મક સૂચકાંક (Global Competitiveness Index)માં 10 સ્થાન સરકીને 68માં સ્થાને આવી ગયું છે. જ્યારે સિંગાપુરે અમેરિકાને પાછળ છોડીને ટોચનું સ્થાન હાંસલ કર્યું.
વાર્ષિક વૈશ્વિક પ્રતિસ્પર્ધાત્મક સૂચકાંક મામલે ભારત 68માં સ્થાને પહોંચ્યું
સિંગાપુરે અમેરિકાને પાછળ છોડીને ટોચનું સ્થાન હાંસલ કર્યું
મોટી આર્થિક સ્થિરતા અને બજારના આકારના મામલે ભારતની રેન્કિંગ સારી : વિશ્વ આર્થિક મંચ
જિનેવા સ્થિત વિશ્વ આર્થિક મંચના વાર્ષિક વૈશ્વિક પ્રતિસ્પર્ધાત્મક સૂચકાંકમાં ભારત ગત વર્ષે 58માં સ્થાને રહ્યું હતું. ભારત આ વર્ષે BRICS દેશોમાં સૌથી ખરાબ પ્રદર્શન કરનારી અર્થવ્યવસ્થામાંથી એક છે. મંચે બુધવારે કહ્યું કે મોટી આર્થિક સ્થિરતા અને બજારના આકારના મામલે ભારતની રેન્કિંગ સારી છે. નાણાકીય ક્ષેત્ર પણ સ્થિર છે. પરંતુ દર વધારે હોવાને કારણે બેન્કિંગ સિસ્ટમ પ્રભાવિત થઇ છે.
સૂચકાંક પ્રમાણે જોઇએ તો, ભારતનું સ્થાન કંપની સંચાલન મામલાં 15મું, શેયરધારક સંચાલનમાં બીજુ અને બજારના આકાર અને અક્ષય ઉર્જા નિયમનમાં ત્રીજુ રહ્યું. નવીનતાના મામલે પણ ભારતનું પ્રદર્શન અન્ય ઉભરતી અર્થવ્યવસ્થાથી વધુ સારુ અને વિકસિત દેશોના સમતુલ્ય રહ્યું.
જોકે, સૂચના, સંચાર અને ટેક્નોલોજી (ICT) અપનાવવામાં ખરાબ પ્રદર્શન, સ્વાસ્થ્ય અને ચિકિત્સા ક્ષેત્રની ખરાબ સ્થિતિ તથા સ્વસ્થ જીવનની સંભાવનાના ખરાબ દરે ઘણા ક્ષેત્રોમાં સારા પ્રદર્શનની અસરને મર્યાદિત કરી દીધી.
સ્વસ્થ જીવનની સંભાવના મામલે ભારતનું સ્થાન 109માં સ્થાને રહ્યું. આ આફ્રીકા બહારના દેશોની તુલનાએ સૌથી ખરાબમાંથી એક છે. મંચે કહ્યું કે ભારતમાં પુરુષ કામદારોની તુલનામાં મહિલા કામદારોનો ગુણોત્તર 0.26 છે. આ મામલે ભારતનું સ્થાન 128માં સ્થાને રહ્યું. પ્રતિસ્પર્ધાની રેન્કિંગમાં ભારત બાદ શ્રીલંકા 84, બાંગ્લાદેશ 105, નેપાલ 108 અને પાકિસ્તાન 110માં સ્થાને રહ્યું.
અધ્યયનમાં કહેવામાં આવ્યું છે કે, વૈશ્વિક અર્થવ્યવ્થા આર્થિક મંદીને લઇને તૈયાર નથી. પ્રતિસ્પર્ધાત્મક સૂચકાંકમાં સિંગાપુરે અમેરિકાને પાછળ છોડીને ટોચનું સ્થાન હાંસલ કર્યું. ત્યારબાદ બીજા સ્થાને અમેરિકા, ત્રીજા સ્થાને હોન્ગકોન્ગ, ચોથા સ્થાને નેધરલેન્ડ અને પાંચમા સ્થાને સ્વિટ્ઝરલેન્ડ રહ્યું. BRICS દેશોમાં ચીનની સ્થિતિ સૌથી સારી રહી અને તે 28માં સ્થાને રહ્યું.