IPLIN
 

IND vs NZ / રોહિતની કેપ્ટનશીપમાં ભારતે ન્યૂઝીલેન્ડનો કર્યો વ્હાઇટવૉશ, 3-0થી સીરીઝ જીતી

Team VTV 11:00 PM, 21 Nov 21 | Updated: 11:01 PM, 21 Nov 21
Follow us
India Skipper Rohit Sharma Wins Toss, Opts To Bat vs New Zealand In Kolkata

પ્રવાસી ન્યુઝીલેન્ડને T-20 સીરીઝમાં ભારતે સતત બે મેચમાં હરાવ્યા બાદ, આજે પણ ઔપચારિક મેચમાં પ્રવાસી ટીમને મહાત આપતા ભારતે શાનદાર વિજય મેળવ્યો છે. ભારતે ન્યૂઝીલેન્ડ પર 73 રનથી જીત મેળવી છે. 

  • ભારત અને ન્યૂઝીલેન્ડ વચ્ચે ત્રીજી ટી-20 મેચમાં પણ ભારતની જીત
  • ભારતીય કેપ્ટન રોહિત શર્માએ સતત ત્રીજી વાર ટોસ જીતીને જીતી મેચ
  • ગુજરાતી અક્ષર પટેલની બોલિંગ સામે ન્યૂઝી. ઘૂટણિયે

ભારતના 184 રનના જવાબમાં ન્યૂઝીલેન્ડ 111 રનમાં ફિંડલુ

સતત 2 મેચ જીતીને સીરીઝ પર પહેલા જ પોતોનો કબજો કરી ચૂકેલી ટીમ ઇન્ડિયાએ અંતિમ મેચમાં પણ ન્યૂઝીલેન્ડને હરાવી દીધું. આ રીતે પોતાની પહેલી જ ચેલેન્જને કોચ દ્રવિડ અને કેપ્ટન રોહિતની જોડીએ સારી રીતે અંજામ આપ્યો અને ત્રણેય મેચની ટી-20 સીરીઝ 3-0થી જીતી. કોલકાતાના ઈડન  ગાર્ડસ સ્ટેડિયમમાં બેટ્સમેનો બાદ બોલરોએ કમાલ બતાવ્યો.

સતત 3 મેચમાં કેપ્ટન રોહિત શર્માએ ટૉસ જીતીને આ વખતે કંઇક અલગ કર્યું. ટ્રેન્ડ બદલતા પહેલા બોલિંગ નહીં પરંતુ બેટિંગનો નિર્ણય લીધો. સ્પિનર મિચેલ સેન્ટનરની આગેવાનીમાં ઉતરેલી કીવી ટીમ પર રોહિત(65 રન, 31 બોલ) અને ઈશાન(29 રન, 21 બોલ)ની ઓપનિંગ જોડીને દમદાર બેટિંગ કરી. બન્નેએ પાવરપ્લેમાં 69 રન ફટકારીને એક સારૂ પ્લેટફોર્મ તૈયાર કર્યું. વચ્ચેની ઓવર્સમાં થોડો બ્રેક લાગ્યા છતા ભારતીય ટીમે સાત વિકેટ પર 184 રનનો જોરદાર સ્કોર ઉભો કર્યો. જેના જબાવમાં ન્યૂઝીલેન્ડની ઇનિંગ માત્ર 111 રન જ બનાવી શક્યું.

ભારતીય બોલરોએ દેખાડ્યો દમ

ભારત તરફથી સુકાની રોહિત શર્મા એ સતત ત્રીજી વખત ટોસ જીતી મેચ જીતી હતી. તો અક્ષર પટેલે પોતાના ઘાતક સ્પેલમાં ત્રણ ઓવરમાં માત્ર 9 રન આપી ન્યુઝીલેન્ડની 3 વિકેટ ચટકાવી નાખતા પ્રવાસી ટીમની કમર તોડી નાખી હતી.ન્યુઝીલેન્ડ તરફથી માર્ટીન ગપ્તીલે અર્ધશતક ફટકારવા સિવાય કોઈ પણ બેટ્સમેન ભારતીય ફીરકીની ઝીંક ઝીલી શક્યો નહતો. 

તુલા રાશીનું 'કોમ્બીનેશન' અસરદાર 

સંવંત 2078નું વર્ષ ભારતીય ક્રિકેટ ટીમમાં તુલા રાશિના 'કોમ્બીનેશન' માટે અસરકારક રહ્યું છે. મુખ્ય કોચ રાહુલ દ્રવિડ અને સુકાની રોહિત શર્માની જોડીએ ન્યુઝીલેન્ડ સામેની ત્રણે'ય T-20 માં તમામ ખેલાડી પાસેથી અપેક્ષિત પરિણામ મેળવ્યું છે. આજે ત્રીજી મેચમાં જો કે, માધ્યમ ક્રમ નિષ્ફળ નીવડ્યો હતો.નહિ તો આજે સ્કોર 200 + થયો હોત. T-20 વર્લ્ડ કપ મળેલી નિષ્ફળતાઓ ખંખેરીને ભારતીય ક્રિકેટ ટીમ તુલા રાશિના 'ગુડ લક' કોમ્બીનેશન સાથે ફરી પરફોર્મ કરવા લાગી છે 

ન્યૂઝીલેન્ટ ટીમ

બેટ્સમેન R B 4s 6s SR
માર્ટિન ગુપ્ટિલ 51 36 4 4 141.67
ડેરેન મિશલ 5 6 1 0 83.33
માર્ક ચેપમેન 0 2 0 0 0
ગ્લેન ફિલિપ્સ 0 4 0 0 0
ટિમ સિફર્ટ 17 18 1 0 94.44
જેમ્સ નીશમ 3 7 0 0 42.86
માિશેલ સેન્ટનર 2 4 0 0 50
એડમ મિલ્ને 7 6 0 1 116.67
ઈશ સોઢી 9 11 2 0 81.82
લૉકી ફર્ગુસન 14 8 0 2 175
ટ્રેન્ટ બોલ્ટ 2 2 0 0 100

ભારતીય ટીમ

બેટ્સમેન R B 4s 6s SR
રોહિત શર્મા 56 31 5 3 180.65
ઈશાન કિશન 29 21 6 0 138.1
સૂર્યકુમાર 0 4 0 0 0
ઋષભ પંત 4 6 0 0 66.67
શ્રેયસ અય્યર 25 20 2 0 125
વૈંકટેશ અય્યર 20 15 1 1 133.33
અક્ષર પટેલ 2 4 0 0 50
હર્ષલ પટેલ 18 11 2 1 163.64
દીપક ચાહર 21 8 2 1 262.5

ભારતે ન્યૂઝીલેન્ડને જીત માટે 185 રનનો ટાર્ગેટ આપ્યો હતો.

‎‎ભારતે સતત 3જી વખત ટોસ જીત્યો હતો

ભારતીય કેપ્ટન રોહિત શર્માએ સીરીઝમાં સતત ત્રીજી વાર ટોસ જીત્યો છે. અગાઉની બન્ને મેચોમાં પણ ભારતે ટોસ જીત્યો હતો.

ભારતીય ટીમમાં આર. અશ્વિનને આરામ અપાયો હતો

ભારતીય ટીમમાં બે ફેરફાર થયા છે. આર અશ્વિનને આરામ અપાયો છે તેની જગ્યાએ યુઝવેન્દ્ર ચહલ બોલિંગ કરશે. તેની સાથે કેએલ રાહુલને પણ આરામ અપાયો છે. તેની જગ્યાએ ઈશાન કિશન કેપ્ટન રોહિતની સાથે ઓપનિંગમાં ઉતરશે.

 

India vs New Zealand T20 India-New Zealand T20 Rohit Sharma Team India ind vs nz ભારત-ન્યૂઝીલેન્ડ ટી20 ન્યૂઝીલેન્ડ-ઈન્ડીયા ટી20
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ