કરાર / ભારતે અમેરિકા સાથે કર્યો આ કરાર,ભારતના પેટ્રોલિયમનો સંગ્રહ અમેરિકામાં થશે, આ થશે ફાયદો

• અમેરિકા પાસે 41.4 કરોડ બેરલ તેલ સંગ્રહની ક્ષમતા છે.
• ભારતની ક્ષમતા માત્ર 3.8 કરોડ બેરલ કાચા તેલના સંગ્રહની ક્ષમતા  છે
• તેલ ભંડાર માટે પરસ્પર સહકારના કરાર પર હસ્તાક્ષર કર્યા છે

અમેરિકામાં ભારતના કાચા તેલને સ્ટોર કરવા માટે બન્ને પક્ષે વાતચીત ચાલી રહી છે. જે છેલ્લા તબક્કામાં છે. પેટ્રોલિયમ મંત્રી ધર્મેન્દ્ર પ્રધાને કહ્યુ કે આ પ્રકારની કટોકટીમાં તેલ મંગાવી શકાય છે. તેમણે કહ્યું કે બન્ને દેશોએ રણનીતિ તેલ ભંડાર માટે પરસ્પર સહકારના કરાર પર હસ્તાક્ષર કર્યા છે.

અમેરિકા પાસે રણનીતિક મામલાઓ માટે 41.4 કરોડ બેરલ તેલ સંગ્રહની ક્ષમતા છે. ભારતની ક્ષમતા માત્ર 3.8 કરોડ બેરલ કાચા તેલના સંગ્રહની ક્ષમતા  છે. એ પણ માત્ર 3 ઠેકાણા પર  આ ફક્ત સાડા 9 દિવસની જરુરીયાતને પુરી કરી શકે તેટલું જ છે.

અત્રે ઉલ્લેખનીય છે કે ભારતમાં ક્ષમતા ઓછી હોવાને લીધે અનેક સમસ્યાનો સામનો કરી શકવો પડે એમ છે. ઈમરજન્સીમાં આ ખામી ભારે પડી શકે તેમ છે. ત્યારે એક તરફ ચીન દ્વારા થઈ રહેલી અવળચંડાઈ સમયે સરકારનું આ પગલું ભલે ખર્ચાણ હોય પણ ફાયદા કારક સાબિત થાય એવું કેટલાંક અંશે વર્તાઈ રહ્યું છે.