ક્રિકેટ / બાંગ્લાદેશ બાદ હવે આ દેશ સામે ડે નાઈટ ટેસ્ટ રમી શકે છે ભારત, જાણો ક્યારે થઇ શકે છે મેચ

• ઓસ્ટ્રેલિયા પ્રવાસ દરમિયાન રમાઈ શકે છે ડે નાઈટ ટેસ્ટ 
• વિરાટ કોહલીએ ટૂંક સમય પહેલા ડે નાઈટ ટેસ્ટ માટે દર્શાવી હતી તૈયારી 
• ભારત બાંગ્લાદેશ સામે એકવાર ડે નાઈટ ટેસ્ટ રમી ચુક્યું છે 

આધુનિક યુગમાં ટ્રેન્ડ બની રહેલ ડે નાઈટ ટેસ્ટની વધુ એક મેચ યોજાઈ શકે છે જેમાં ભારત ભાગ લેશે. ઈડન ગાર્ડનમાં બાંગ્લાદેશી ટીમને હરાવ્યા બાદ હવે ભારતીય ટીમ ઓસ્ટ્રેલિયા સામે ડે નાઈટ ટેસ્ટ રમી શકે છે. ભારત આ વર્ષના અંતમાં ઓસ્ટ્રેલિયા પ્રવાસ પર ડે-નાઈટ ટેસ્ટ રમવા તૈયાર છે, BCCIના સૂત્રોએ આ જાણકારી પીટીઆઈને રવિવારે આપી છે. 

ભારતીય કેપ્ટન વિરાટ કોહલીએ ટૂંક સમય પહેલા કહ્યું હતું કે તેમની ટીમ ઓસ્ટ્રેલિયા પ્રવાસ પર ડે-નાઈટ ટેસ્ટ મેચ રમી શકે છે. બીસીસીઆઈના એક સૂત્રએ આ જાણકરી આપી હતી કે ભારત ઓસ્ટ્રેલિયા પ્રવાસ દરમિયાન  ડે નાઈટ ટેસ્ટ મેચ રમશે. ભારતે પોતાની પહેલી ડે-નાઈટ ટેસ્ટ ગયા વર્ષે નવેમ્બરમાં બાંગ્લાદેશ વિરુદ્ધ ઈડન ગાર્ડનમાં રમવામાં આવી હતી જેમાં ભારતે જીત નોંધાવી હતી. 

 ગયા મહીને ઓસ્ટ્રેલિયા વિરુદ્ધ વન ડે સીરીઝ પહેલાં ભારતીય કેપ્ટન વિરાટ કોહલીએ કહ્યું કે અમે ચેલેન્જ માટે તૈયાર છે. આ ખૂબ જ રોમાંચક હિસ્સો છે જેથી અમે ડે નાઈટ ટેસ્ટ માટે તૈયાર છે. ભારતે 2018-19માં એડીલેડમાં ડે નાઈટ ટેસ્ટ રમવાની ના પાડી દીધી હતી. જે માટે અનુભવ ન હોવાનું કારણ આપવામાં આવ્યું હતું.