ભારત 20 દેશોમાં વેક્સીનના 2.3 કરોડ ડોઝ મોકલી ચૂક્યું છે અને હવે આફ્રિકા અને લેટિન અમેરિકાને પણ કરશે મદદ.
કોરોના મામલે ભારત સરકારનું મોટું પગલું
20 દેશોમાં મોકલ્યા કોરોના વેક્સીનના 2.3 કરોડ ડોઝ
આવતા અઠવાડિયે આફ્રિકા અને લેટિન અમેરિકાને કરશે મદદ
ભારતે દુનિયાના 20 દેશો માટે લગભગ 2 કરોડ 30 લાખ કોરોના વેક્સીનના ડોઝ મોકલ્યા છે. ભારતની તરફથી કોરોના વેક્સીનની આ મદદ અને વ્યવસાયિક બંને કીતે કરાઈ છે. વેક્સીનના 64 લાખ ડોઝ મદદ માટે અને 165 ડોઝ વ્યાવસાયિક રીતે મોકલાયા છે. આવનારા અઠવાડિયામાં ભારત આફ્રિકા અને લેટિન અમેરિકાના દેશોમાં પણ વેક્સીન મોકલશે.
આ કારણે ભારતે પડોશી દેશોને આપી પહેલા પ્રાથમિકતા
ભારતે મૈત્રી ઇનિશિએટિવના આધારે જરૂરિયાત મંદ દેશને મદદના રૂપમાં વેક્સીન મોકલવાનો નિર્ણય કર્યો છે. ભારતે પડોશી દેશોને સૌથી પહેલા વેક્સીન આપવાનો નિર્ણય કર્યો અને પડોશી પહેલાની નીતિને કાયમ કરી. 21 જાન્યુઆરીથી શરૂ કરાયેલી આ મહિમના કારણે દુનિયાભરમાં ભારતના વખાણ થઈ રહ્યા છે.
વૈશ્વિક વેક્સીન આપૂર્તિને ભારત આગળ વધારવાનું ચાલુ રાખશે
વિદેશ મંત્રાલયના પ્રવક્તાના અનુરાગ શ્રીવાસ્તવના આધારે વૈશ્વિક વેક્સીન આપૂર્તિને ભારત આગળ વધારશે. અને સાથે તબક્કાવાર રીતે અનેક અન્ય દેશોને પણ સામેલ કરશે. તેઓએ કહ્યું કે ભારતના પડોશી દેશો સિવાય ભારતીય સમુદ્રીય, કેરેબિયન દેશો અને પશ્ચિમ એશિયાઈ દેશોમાં ભારત વેક્સીન પહોંચાડી રહ્યું છે. કોવિશિલ્ડે ભારતને વેક્સીન ડિપ્લોમસીમાં ચીનથી આગળ કરી લીધું છે.
ક્યાં ક્યાં ભારતે મોકલી વેક્સીન
કોરોનાની વેક્સીનના ડોઝ બાંગ્લાદેશ (20 લાખ ), મ્યાનમાર (17 લાખ),નેપાળ (10 લાખ), ભૂટાન (1.5 લાખ), માલદીવ (1 લાખ), મોરેશિયસ (1 લાખ), સેશેલ્સ (50,000), શ્રીલંકા (5 લાખ), બહરીન (1 લાખ), ઓમાન (1 લાખ), અફધાનિસ્તાન (5 લાખ), બારબડોસ (1 લાખ) અને ડોમેનિકા (70,000)ને આપવામાં આવ્યા છે. આ સિવાય વ્યવસાયિક રીતે બ્રાઝિલ (20 લાખ), મોરક્કો (60 લાખ), બાંગ્લાદેશ (50લાખ), મ્યાનમાર (20 લાખ), ઈજિપ્ત (50,000), અલ્જિરિયા (50,000), દક્ષિણ આફ્રિકા (10 લાખ), કુવૈત (2 લાખ), યૂએઈ (2 લાખ)ડોઝ મોકલવામાં આવ્યા છે.
હજુ અહીં મોકલાશે વેક્સીન
20 અરેબિયાઈ દેશોમાં આવતા અઠવાડિયે ભારત વેક્સીન મોકલશે જેમાં લગભગ 1.6 કરોડની આબાદી છે. આ દેશોમાં આફ્રિકા, લેટિન અમેરિકા, કેરીકોમ, પ્રશાંત ક્ષેત્ર સહિતના અન્ય દેશોની વેકસીન મોકલાશે.