સંઘર્ષ / 'ભૂમાફિયા' ચીનને પેન્ગોગ ત્સોમાં ટક્કર આપવા ભારતીય સેના તૈનાત કરશે આ શક્તિશાળી નૌકા

• પેન્ગોંગ ત્સોમાં ભારત તૈનાત કરી રહ્યું છે શક્તિશાળી બોટ 
• ચીની સેનાને જડબાતોડ જવાબ આપવા ભારતીય સેના કટિબદ્ધ 
• મંગળવારે બંને દેશ વચ્ચે થઇ હતી વાતચીત 

લદાખની લેકમાં પેટ્રોલિંગ વધારવા માટે ભારત હવે શક્તિશાળી બોટ મોકલી રહ્યું છે. આ બોટમાં સર્વિલાંસ સંબંધી ઉપકરણ અને ટેક્નિક ઉપલબ્ધ છે. આ જ લેકમાં ચીન તરફથી પણ શક્તિશાળી બોટ તૈનાત કરવામાં આવી છે. હવે ભારતની આ બોટ ચીનને જડબાતોડ જવાબ આપી શકશે. 

લદાખ સ્થિત પેન્ગોગમાં ભારત અને ચીન વચ્ચે સંઘર્ષ યથાવત છે. પેન્ગોંગમાં આ શક્તિશાળી નૌકાઓ તૈનાત કરવાનો નિર્ણય સેનાએ લીધો છે. ભારતીય સેનાએ C-17ની સ્ટીલ નૌકાઓને લેહમાં મોકલી છે. જોકે ત્યારે વિમાન દ્વારા બોટ મોકલવામાં પરેશાની આવી રહી છે જેને ઝડપથી દૂર કરી દેવામાં આવશે. 

નોંધનીય છે કે ભારત અને ચીનની સેનાઓ વચ્ચે મંગળવારે દસ કલાક સુધી કોર કમાન્ડર સ્તરની વાતચીત થઇ હતી. સૂત્રો મુજબ બેઠકમાં પ્રતિનિધિમંડળ દ્વારા ચીનના નવા દાવ પર ચિંતા વ્યક્ત કરવામાં આવી છે અને પહેલા જેવી પરિસ્થિતિ કરવા માટે ગલવાન, પેન્ગોંગ અને અન્ય વિસ્તારોમાં ચીની સેનાને પાછળ હટવા સૂચન કરાયું છે.